.jpg)
هرات ولایتیده بولگن افغان-ترک مکتبلری معارف وزیرلیگی گه تاپشیریلگن. اوشبو مکتبلر بوگون ترکیه معارف وزیرلیگی نینگ اورین باسری تامانیدن رسمی شکلده افغانستان معارف وزیرلیگی گه تاپشیریلدی.
ترکیه معارف وزیرلیگینی اورین باسری رهادنه مچ نینگ ایتیشیچه، افغان-ترک مکتبلری افغانستان معارف وزیرلیگی گه تاپشیریلیشی ایکی مملکت آرهسیدهگی علاقهنی مستحکملشتیرهدی.
جناب مچ نینگ ایتیشیچه، افغانستانده بولگن بوتون افغان-ترک مکتبلری قیتهقوریلیب و ینگیلشتیریلهدی و ترکیه لیک اینگ یخشی اوقیتووچیلر افغان بالهلریگه تعلیمات بیریش اوچون بو مکتبلرده تعیین ایتیلهدیلر.
ترکیه معارف وزیرلیگی نینگ اورین باسری گه کوره، حاضر افغان-ترک مکتبلریده کمیده 3 مینگ افغان باله درس اوقیدی و کیلهجک نیچه ییلگچه بو رقم 18 مینگ کیشی گه ییتیشهدی.
.jpg)
اوشبو برنامهده مملکت معارف وزیرلیگینی سرپرستی میرویس بلخی نینگ ایتیشیچه، افغانستان و ترکیه معارف وزیرلیکلری آرهسیده بولگن کیلیشوو اساسیده، بوتون افغان-ترک مکتبلری عصر اسکونهلر بیلن جهازلنیشی گه قرار قیلینگن و اوقووچیلردن 20% بو مکتبلرده بیپول درس اوقیدیلر.
مملکت معارف وزیرلیگی سرپرستی نینگ ایتیشیچه، اوشبو کیلیشوو اساسیده، کیلهجک نیچه ییلگچه افغانستانده بولگن افغان-ترک مکتبلرینی رقمی 12 دن 28 گه کوپهیتیریلهدی.
افغانستانده بولگن افغان-ترک مکتبلری کابل، هرات، بلخ، قندهار، ننگرهار و جوزجان ولایتلریده فعالیت قیلهدیلر.
شو توغریده…
بلخ ده خوفسیزلیک کوچلر افغان-ترک مکتبلری اوستیگه هجوم قیلگنلر
