ساغلیقنی سقلش وزیرلیگی آنه سوتی بیلن اوقتلش خلق ارا بالهلر کونینینگ کوتیب آلیش مراسمیده بیرییلده 5 یاشنی تولدیرمهگن 100 مینگ باله افغانستانده ایریم کسللیکلر باعث عالمدن اوتهدی دیب اعلام قیلدی. بو وزیرلیک رسمیلریگه کوره، بو بالهلردن 48 فایزی آنه سوتی بیلن تأمینلنمهگنلیگی دلیل عالمدن اوتهدی.
دنیا بویلب 5 یاشنی تولدیرمهگن بالهلر اولمی اصلی دلیللریدن بیری، آنه سوتی بیلن تأمینلنمهگنلیک دیب اعلام قیلیندی.
ساغلیقنی سقلش وزیرلیگی دارولش بولیم اورین باسری ناجیه طارق نینگ ایتیشیچه، توغیلگندیک آنه سوتی بیلن تأمینلگن بالهلر 22 فایزی و آلتی آیلیک بولگونگه قدر آنه سوتی بیلن تأمینلنگن بالهلر 13 فایز اولمی آلدی آلینهدی.
خانم طارق نینگ ایتیشیچه، آنه سوتی بیلن تآمینلنمهگنلیک، اسهال، سیل کسللیک، کلته قالیش و بالهلرنی چققان اوسیشیگه سلبی تأسیر قالدیرهدی.
ساغلیقنی سقلش وزیرلیک مداوا قیلیش بولیم اورین باسری، مملکت بویلب بالهلر اولمی آلدینی آلیش اوچون آنهلر بیلیم سطحی کوتاریلیشی بیلن بولهدی و بو ایشنی علمده بجریش اوچون ساغلیقنی سقلش وزیرلیگی، اخبارات و مدنیت و خاتین قیزلر وزیرلیگی و خلق ارا نهادلر یاردمیگه احتیاجی بارلیگنی معلوم قیلهدی.
بیرلشگن ملتلر تشکیلاتی بالهلر بولیمی (یونسیف) نمایندهسی لکشمینار سمیهن بالاجی نینگ ایتیشیچه، آنه سوتی بیلن تأمینلنگن باله حیاتی نینگ اینگ مهم قسمینی باشلهگن بولهدی و آنهلر ایسه باله توغیلگنیدن ایکی یاشگه قدر اوز سوتلری بیلن تأمینلشگه جدی بولیشلری کیرهک.
ساغلیقنی سقلش وزیرلیگیگه کوره، دنیا بویلب ییلیده 3 میلیون باله آنه سوتی بیلن تأمینلنمهگنلیگی سبب عالمدن اوتهدی بو رقم بالهلرنی 45 فایز اولیمینی تشکیل بیرهدی.
