افغانستان تشقی ایشلر همده مهاجرلر وزیرلیگی بوندن بویان تشقی مملکتلر آرقهلی چیقاریلهدیگن قاچقینلرنی تحول آلمسلیکلرینی اعلان قیلگنلر.
افغانستان ملی مجلسی بوگون مملکت تشقی ایشلر وزیری صلاحالدین ربانی و قاچقینلر وزیری سیدحسین عالمی بلخینی اروپا مملکتلریدن چیقاریلهدیگن مهاجرلر بارهسیده معلومات بیریش اوچون جوابگرلیککه چقیرگن ایدی.
مملکت تشقی ایشلر وزیرینینگ ملی مجلسده ایتیشیچه، اولر بو توغریده اروپا مملکتلری رسمیلری بیلن صحبت قیلیب و 2002- ییلده امضالنگن شرطنامه قیته تیکشیریلیشی کوتیلهدی.
جناب ربانینینگ سوزلریگه کوره، مملکت تشقی ایشلر وزیرلیگی افغانستانلیک قاچقینلر چیقاریلمسلیگی اوستیده ینگی بیر لایحه ایشلب چیقریشنی باشلهگن و بو توغریده ایسه اروپا مملکتلری بیلن مذاکره بولگن دیگن.
تشقی ایشلر وزیرلیگی صحبتلرینی تنقید قیلگن نمایندهلر مجلسینینگ اعضاسی احمد بهزادگه کوره، وزیرلیکنینگ اوشبو لایحهسیده برقرار و نابرقرار منطقهلرنینگ اهالیسی اجرهتیلیشی کیرهک، زیرا افغانستان نینگ بوتون منطقهلری نابرقرار دیر.
باشقه تامانیدن افغانستان قاچقینلر وزیری سیدحسین عالمی بلخینینگ بیلدیریشیچه، وزیرلیک اروپا مملکتلریدن افغانستانلیک مهاجرلر زوردن چیقاریلمس لیگی اوچون جدی سعی و حرکت قیله دیلر.
جناب بلخی، افغانستانلیکلر حاضرگی کونده روانی و فزیکی قشاقلیک و نابرقرالیککه روپه ره دیر، مذکور شخصلر خارج مملکتلردن چیقاریلگن حالده، قوراللی طالبلر صفیگه قوشیلیشلری ممکن.
قولگه کیریتیلگن حساباتلرگه کوره، جاری ییلده 146 مینگ کیشی اروپا مملکتلریگه آواره بولگن، ایتیلیشیچه مذکور قاچقینلرنینگ 80% آلمانگه باش پنه ایزلهگن. شونینگ دیک مذکور رقم نینگ 43% آلمان دولتی تامانیدن قبول قیلینگنی ایتیلهدی.
