یشش اوی و شهر قوریب بیریش وزیرلیگی بوگون (چهارشنبه) 6.5 میلیون امریکا دالر مقداریده بولگن تازه ایچیملیک سوو تامیناتی شرطنامهسیگه کوریالیک بیر شرکت بیلن قول قویدی. شهر قوریب بیریش وزیرلیگی نینگ مسووللری، مذکور لایحه میلادی 2019 ییلده کوچه کیریشی بیلن کابل نینگ غربی حدودیده حیات کیچیره دیگن 24 مینگ خانهدان تازه ایچیملیک سوو بیلن تامین بولهدیلر دیگنلر.
خبری انجمنده صحبت قیلگن شهر قوریش وزیری سیدسعادت منصور نادری، لایحه 4 چقور قودوق قازیب بیریش و سوو ییتکزیش ترماغینی ایجاد قیلیشدن عبارت دیگن. لایحه کابل نینگ دشت برچی منطقهسیده عملی بولهدی دیگن جناب وزیر. شونینگدیک نادری لایحه کوریکا تشکیلاتی تامانیدن کوزهتیلیب عملگه آشیریلهدی دیگن.
مملکت شهر قوریش وزیرینینگ تعبریچه، حاضرگی کونده کابل نینگ 28% اهالیسی تازه ایچیملیک سوو بیلن تامین بولگنلر. باشقه یاردم کورسته دیگن همکار دولتلرنینگ مالی حسابیگه بو قبل لایحهلرنی کوپراق عملی قیلهمیز دیگن جناب نادری.
کوریانینگ آسیا بولیمی باشلیغی چاند یونگ اوشبو خبری اولتیریشده مملکتی افغانستان حکومتیگه تورلی ساحهلرگه همکارلیک قیلیش اوچون شَی ایکن لیگی اوستیده ینه بیر بار اورغولهگن. چاندیونگ، افغانستان نینگ باشقه ولایتلریده هم تازه ایچیملیک سوو تامینات بولیمیده لایحهلر باشلهنیشیدن خبر بیرگن.
رسمی حساب کتابلرگه قره گنده، افغانستان خلقی نینگ 40% تازه ایچیملیک سوو بیلن تامبن بولگنلر. شوکبی تازه ایچیملیک سوو بولمهگن لیگی باعث هر ییلی افغان خلقی ایریم کسللیکلرگه چلینهدیلر.
