بوگون «سهشنبه» کابلده یشاوچیلرگه پولسیز ساغلیق خذمت قیلهدیگن شیخ زاید کسلخانهسیده اعصاب جراحلیک بولیمی آچیلدی.
شیخ زاید کسلخانهسی باشلیغی وحدت الکوزینینگ ایتیشیچه، اوشبو کسلخانه عصری ساغلیق جهازلری بیلن جهازلنگنی اوچون اعصاب کسللرینی عملیات قیله آلهدی. شو یوزهدن، مملکت یشاوچیلریگه عصبی کسللرینی دارولش اوچون مملکتدن تشقری باریش گه احتیاج یوق دیر.
ساغلیقنی سقلش وزیری فیروزالدین فیروزنینگ ایتیشیچه، مملکتده بو بیرینچی اعصاب جراحلیک مرکزی بولیب و ساغلیقنی سقلش خصوصیده، کته یوتوق سنلهدی.
شیخ زاید کسلخانهسی 10 ییل آلدین، کابلده عرب بیرلشیک اماراتی تامانیدن قوریلدی، بیراق ساغلیقنی سقلش وزیرلیگی و مذکور کسلخانه مسؤوللری آرهسیده قیینچیلیک یوز بیرگنی باعث، اعصاب بولیمی قوریلیشی نیچه ییل آرتده قالدی.
