بوگون "شنبه" کابلده خبری ییغین اوتکزگن انسان حقلری کمیسیونی نینگ مسووللری، جاری هجری قویاش ییل نینگ بیرینچی 7 آیده عیاللرگه قرشی زوروانلیکلر 8% کوپهیگنیدن خبر بیرگنلر.
اولرنینگ ایتیشیچه، هجری قویاش 1398- ییل نینگ بیرینچی 7 آیده عیاللرگه قرشی 2 مینگ و 762 زوروانلیک واقعه رویخط گه آلینگن.
انسان حقلری کمیسیونی اعضاسی شبنم صالحی نینگ ایتیشیچه، عیاللرگه قرشی زوروانلیکلردن 97.1% اوی فضاسیده صورت تاپگن و بو رقمگه قرهگنده اوی افغانستان عیاللری اوچون ناتینچ فضا سنهلهدی.
اوشبو ییغینده انسان حقلری کمیسیونی باشلیغی شهرزاد اکبرنینگ ایتیشیچه، افغانستانده عیاللرگه قرشی زوروانلیکلر کوپهیشی خواطرلنترووچی دیر. خانم اکبر گه کوره، اوروش، ناتینچلیک، اداری فساد و قانونی نینگ عملگه آشیریلمهگنی عیالرگه قرشی زوروانلیکلرنینگ کوپهیشیگه سبب بولگن.
انسان حقلری کمیسیونی نینگ ینگی گزارشیگه کوره، فزیکی زوروانلیکلردن سونگ، عیاللردن کوپ قطاری جنسی زوروانلیککه قربان بولگنلر، بیراق جنسی زوروانلیکلرنینگ یاشیرینچلی شکلده قالیشی اوچون سعی و حرکت صورت تاپهدی.
کابل، هرات، بلخ، ننگرهار و قندهار ولایتلری عیاللرگه قرشی زوروانلیکلر کوپ بولگن ولایتلر جملهسیدن دیر.
شوتوغریده…
