.jpg)
کمیده 1 آی آلدین افغانستان یشاوچیلریدن 50 تهسی ایشلش مقصد ده ایران مملکتیگه بارگن ایدیلر، بیراق اوشبو مملکت حربیلری تامانیدن قولگه آلینیب دینگزگه تشلنگن ایدیلر.
افغانستان حکومتی نیچه پیت آلدین بو موضوعی تیکشیریش اوچون بیر هیات تعیینلب هرات ولایتیگه یوباردی. مذکور هیات نینگ تیکشیریشلریگه کوره، افغانستان یشاوچیلریدن 46 تهسی ایران مملکتیگه بارگن ایکنلر و بو جملهدن 12 تهسی هلاک، 17 تهسی درکسیز یوقالیب و باشقه 17 تهسی قوتقریلگن.
بیراق، افغانستان بوییچه تشقی ایشلر وزیرلیگی مسووللری نینگ ایتیشیچه، ایران تشقی ایشلر وزیرلیگی نینگ اورین باسری محسن بهاروند شامل ایرانلیک بیر هیات کابلگه کیلگن و بو موضوعی افغانستانلیک هیاتی بیلن قوشمه شکلده تیکشیرهدی.
افغانستان بوییچه تشقی ایشلر وزیرلیگی سوزلاوچسی گران هیواد نینگ ایتیشیچه، افغانستان یشاوچیلری نینگ قیناققه سالینگنی و دینگیزگه تشلنگنی ایران رسمیلری تامانیدن رد قیلینگن، بیراق مذکور هیات بو واقعهنی یخشی شکلده تیکشیریش اوچون موجود بولگن حجتلرنی اوزلری بیلن آلیب کیتگن.
افغانستان یشاوچیلری نینگ ایران حربیلری تامانیدن دینگیزگه تشلهنیشی جدی واکنشلری بیلن روپهره بولگن و افغانستان یشاوچیلری مذکور واقعه جدی شکلده تیکشیریلیشینی سورهگنلر.
