بوگون «یکشنبه» هرات ولایتینینگ شیدایی منطقهسیده بولگن بدرغهلر کمپیده اوتکزیلگن خبری ییغینده افغانستان بوییچه بیرلشگن ملتلر تشکیلاتینینگ وجهی صندوقی یا-ده یونیسف دفتری باشلیغی ادیل خِدرنینگ ایتیشیچه، اولر تیزیاردم گه احتیاج 3.8 میلیون بالهنینگ سیسینی دنیا جماعهچیلیگی گه ییتکزیش توغریسیده سعی و حرکت قیلهدیلر.
افغانستان بوییچه یونیسف دفتری باشلیغینینگ کوپهیتیریشیچه، میلادی 2018- ییل افغانستانده قورغاقچلیک و ناتینچلیک باعث، یوزلرچه عایله بدرغه بولگن و بو آرهده بالهلر کوپلب زیان کورگنلر.
خانم خدرگه کوره، اوتکزیلگن تیکشیروولر اساسیده، بدرغه بولگن هر 10 بالهدن 3 تهسی بدرغهلیک قیینچیلیکلری و زوروانلیکدن روحی کسللیککه چالینگن.
افغانستان بوییچه یونیسف دفترینینگ باشلیغی، دنیا جماعهچیلیگیدن میلادی 2019- ییلده خطرگه روپهره 3.8 میلیون باله گه یاردم بیریشینی سورهگن.
اونگه کوره، بو اداره یوقاریده ذکر ایتیلگن بالهلرگه ییگولیک آذیق-آوقت و ایچیملیک سوو تیارلنیشی اوچون دنیا جماعهچیلیگیدن 50 میلیون دالر یاردم طلب قیلگن.
افغانستان بوییچه بیرلشگن ملتلر تشکیلاتینی وجهی صندوقی باشلیغینینگ ایتیشیچه، سیار ساغلیک مرکزلری تیارلنیشی و اورگهتیش و تربیهلشگه زمینه یرهتیلیشی بدرغه بالهلرنینگ اساسی نیازلریدن سنلهدی.
شو توغریده…
- فراغت بیرهمینینگ خرجتی اوروش آوارهلریگه آوقت بولدی
قار و ساووق؛ تخارلیک آوارهلر خیمهده تیریکچیلیک قیلهدیلر
غور آوارهلریگه یاردم ترقهتیش جریانیده عدالتسیزلیک بولهدی
بدخشان آوارهلری یمان وضعیتده حیات کیچیرهدیلر
قندهارده جایلشگن آوارهلر یامان وضعیتده حیات کیچیرهدیلر
فاریاب آوارهلری؛ 8 آیلیک باله آچلیک و ساووق باعث، جان بیرگن
اونینگ کوپهیتیریشیچه، حاضرده قورغاقچیلیک و ناتینچلیک باعث، 250 مینگ کیشی هرات گه بدرغه بولگن و اولردن 60% نی خطرگه روپهره بولیب تورگن بالهلر تشکیل بیرهدی.
ناتینچلیک و قورغاقچیلیک باعث، عایلهلری بیلن هرات ولایتی گه بدرغه بولیب کیلگن بالهلردن بیرقطاری، دنیا جماعهچیلیگی اینیقسه یونیسفدن اولرگه یاردم بیریشینی سورهگن.
هرات گه قوشنی ولایتلردن کیلگن بالهلرنینگ ایتیشیچه، اولر اوچون کییم، فرش و مکتب لوازمی کیرهک.
عین حالده، هرات محلی ادارهسینینگ ایتیشیچه، اولر بدرغهلرگه یاردم ییتکزیلیشی و یاردملر تالان قیلینمهسی اوچون وقتینچهلیک کمپ ایجاد قیلهدیلر.
