/protestors.jpg)
بوگون "شنبه" فراه ولایتینینگ قطار مدنی فعاللری و یشاوچیلری هرات ولایتیده ناراضلیک قیلگنلر.
ناراضچیلرنینگ ایتیشیچه، هر کونده اونلرچه کیشی فراه تورلی منطقهلریده ترور ایتیلیب و یا-ده طالبان تامانیدن اولدیریلهدی، بیراق محلی و مرکزی ادارهنینگ مذکور ولایت خوفسیزلیگی نی تامینلش خصوصیده هیچقندی لایحهسی بولمهگن.
اولرنینگ ایتیشیچه، اوشبو ولایت خوفسیزلیک وضعیتی خواطرلنتروچی دیر «اهالی قورقینچ دن یوقاری صحبت قیلهآلمهیدی»
ناراضچیلرنینگ آگاهلنتریب ایتیشیچه، حکومت فراه ولایتینینگ خوفسیزلیک وضعیتیگه دقت قیلمهگن صورتده، ناراضلیک نمایش یولگه قویب محلی اداره لر ایشیگی نی یاپیب قویهدیلر.
/farah.jpg)
فراه ولایت کینگشی اعضالریدن بیرقطاری، مذکور ولایت رسمیلرینینگ ناتوانلیگی دن تنقید قیلیب و اوشبو مسووللردن اوز ایشلریدن کنار کیتیشی نی سورهگنلر.
فراه حاکمینینگ سوزلاوچیسی ناصر مهری، اخیرگی بیر آی جریانیده ترورچیلیک کوپهیشی نی تصدیقلهیدی، بیراق ترورچیلرنی قولگه آلیش اوچون سعی و حرکت لر باشلنگنی دن خبر بیرهدی. اونینگ ایتیشیچه، حاضرگهقدر 5 کیشی ترورچیلیک عیبی بیلن قولگه آلینگن.
فراه حاکمینینگ سوزلاوچیسیگه کوره، چیتایللیک کوچلر هماهنگلیگی بیلن مذکور ولایت ناتینچ تومنلریده تازهلش عملیات یولگه قویش قراری آلینگن.
