افغانستان ملی اسلامی جنبش حزبینینگ طرفدارلریدن مینگلرچهسی 13- کون جادهلرگه چیقیب و حکومتگه قرشی اعتراضی شعارلر بیریب جنرال دوستم مملکت گه قیتیشی و نظامالدین قیصاری قماقدن قوییب یوباریلیشینی سورهگنلر.
اعتراضچیلرنینگ ایتیشیچه، اولرنینگ ایستکلریگه ایجابی جواب بیریلگونگهقدر ناراضیلیک نمایشلریگه دوام بیرهدیلر و سونگی حرکتلری کابل برقینی کیسیب، سالنگ قتناو یولینی توسیب و ولایتلرده انسان حقلری و خلق ارا دفترلرینی باغلهیدیلر.
عین حالده، جوزجان حاکمی مولوی لطفالله عزیزی، اعتراضچیلر بیلن بیرگه تحصن خیمه سیگه کیلیب و جنرال دوستم مملکت گه قیتیشی و نظامالدین قیصاری قماقدن قوییب یوباریلیشی توغریسیده، سوزلشوولر دوام ایتهیاتگنیدن خبر بیرگن.
عین حالده، تخار ولایتیده ناراضیلیک نمایش یولگه قویگن اعتراضچیلر، حکومتی ادارهلردن کوپینچهسینی یاپیب و بازارنی باغلهگنی باعث، یشاوچیلر و مذکور ادارهلرنینگ ایشلاوچیلری اعتراض بیلدیرگنلر.
شونینگدیک، تخار حاکمی سوزلاوچیسی سنتالله تیمور، ناراضیلیک نمایشلر دوام ایتگنی باعث، تخارده حکومتی ادارهلردن بیرقطاری یاپیلگنینی تصدیقلیدی، بیراق تالقان شهرینینگ پروژه منطقهسیدهگی ادارهلر ایشلریگه دوام بیرماقده.
اوتگن کونلرده اعتراضچیلرنینگ مدیرلری، دولتی ادارهلر یاپیلمهسی توغریسیده سوز بیرگن ایدیلر، لیکن بوندهی بولمهگن.
