تخار ولایتی بوییچه ساغلیقنی سقلش ریاستیدن بیرمنبع نینگ کیملیگی سیرقالیشنی ایستهب سلاموطندارگه ایتیشیچه، کرونا ویروسیگه چلینگن 65 یاشر بیر ایرکک اوتگن کیچه تخار ولایتی نینگ ولایتی کسلخانهسیده جان بیرگن.
منبع نینگ کوپهیتیریشیچه، مذکور کسل ایکی کیچه و کندوز چاهآب تومنیده بولگن کسلخانهده بستر بولگن، بیراق ساغلیک وضعیتی یمان بولگنیدن سونگ، تخار ولایتی نینگ ولایتی کسلخانهسیگه انتقال بیریلگن.
منبع نینگ ایتیشیچه، اونینگ آزمایش نتیجهسی بوگون "پنجشنبه" کابلدن تخارگه کیلگن.
عینحالده، تخار یشاوچیلریدن بیرقطاری نینگ حاضرگی وضعیتدن خواطر بیلدیریب ایتیشیچه، اوشبو ولایتده کرونا ویروسینی تشخیص قیلهدیگن مرکز ایجاد ایتیلمهگن صورتده، انسانی فاجعه یوز بیریشی ممکن.
حاضرگهقدر مملکت بوییچه 484 کیشی کرونا ویروسیگه چلینگن. ساغلیقنی سقلش وزیرلیگی تامانیدن بیریلگن رقملرگه کوره، بوجملهدن 32 تهسی درمانلنیب و باشقه 15 تهسی دنیا دن اوتگن.
