اوتگن کیچه یریمیده بلخده خوفسیزلیک کوچلر افغان-ترک مکتبلرینینگ کمیده 50 اوقیتوچی و ایشلاوچیلرینی اوشلب آلگن.
گزارشلر اساسیده، اوشلب آلینگن کیشیلردن 7 تهسی ترکیه یشاوچیلری دیر.
ایتیلیشیچه، اوشبو مکتبلر حاضرگه قدر خوفسیزلیک کوچلرنینگ نظارتی گه دیر و اوقیتوچیلرنینگ عایلهلریدن اونلرچه کیشی مذکور مکتبلر برابریده توپلنگنلر.
اعتراضچی عایلهلرنینگ ایتیشلریچه، اوتگن کیچهدهگی هجومده ایریم کیشیلر کلتکلهنیب و شونینگدیک قطار کیشیلر یرهلنگن؛ محلی مقاملر بو ادعالر توغریسیده ایتیشلریچه، قطار کیشیلر خوفسیزلیک کوچلرینینگ داخل بولیشی گه توسیق بولگن و بولر تدقیقاتدن کیین قوییب یوباریلهدی.
بیراق معارف وزیرلیگی بیر خبرنامه ترقهتیب ایتیشیچه، بلخده افغان-ترک مکتبلرینینگ مدیریتی«چاغ ایجوکشنل» جمغرمهسیدن توغریده و تینچ شکلده ترکیه معارفی گه انتقال تاپگن و اوشبو جریانده هیچ قندی جسمی توقنهشوو یوزبیرمهگن.
ترکیهده 2016- ییلده یوزبیرگن کودتادن کیین اوشبو مملکت دولتی فتحالله گولن نی کودتا ریجهلنتیریشی توغریسیده عیبلب و افغان-ترک مکتبلری مذکور کیشینینگ یاردم و نظری آستیده بولگنی اوچون اوشبو مکتبلرنینگ باغلهنیشی سورهدی.
شو توغریده:
