بوگون «شنبه» افغانستانده دری تیلیده سوزلهیدیگن تورکلرنینگ اویغونلیک کینگشی، نمایندهلر کینگشی برابریده توپلهنیب و برقی کیملیکلرده ترک قومینینگ ایرکین کیملیگی کیریتیلیشینی سورهگن.
افغانستانده دری تیلیده سوزلهیدیگن تورکلرنینگ اویغونلیک کینگشی باشلیغی داکتر عظیم خنجانینینگ ایتیشیچه، نمایندهلر کینگشینینگ اعضالری، برقی کیملیکلرده تورکلرنینگ کیملیگی کیریتیلیشی توغریسیده حکومت نی اوستیگه باسقین کیریتیشی کیرهک. بو ایش بولگن صورتده، اولر حاضرگچه تانیلیب کیلگن «تاجیک» تیلیدن قوتیلیب و اصلی کیملیکلریگه قیتهدیلر.
شو یوزهدن، نمایندهلر کینگشی تامانیدن بو توپلم بیلن صحبت قیلینیشی اوچون بیر هیأت تعیین ایتیلگن. توپلم بیلن صحبت اوتکزگن هیأت نمایندهسی مخدوم ابدالالله محمدینینگ ایتیشیچه، دری تیلیده سوزلهیدیگن تورکلر افغانستانده 50 قوم بولگنینی ادعا قیلهدیلر و حاضر برقی کیملیکلرده اصلی قوملرینینگ آتی کیریتیلیشینی ایستهیدیلر.
بونگه قوشیمچه، اوشبو اعتراضچیلر جمهور رئیسدن اساسی قانونده «تورک» آتی ایرکین قوم صفتیده کیریتیلیشی توغریسیده، بیر فرمان صادر قیلیشینی سورهیدی.
بوندن آلدین، شونینگدیک افغانستان سادات قومی برقی کیملیکلرده سادات قومی ایرکین شکلده کیریتیلیشینی طلب قیلگن ایدی.
اوشبو ایستکلر برقی کیملیکلر ترقهتیلیشی اوستیگه جمهور رئیس و اجراییه باشلیغی آرهسیده قرشی فکرلر موجود بولیب تورگن بیرچاغده بیان ایتیلهدی.
