فاریاب، سرپل و جوزجان ولایتلریده افغانستان ملی اسلامی جنبش حزبینینگ طرفدارلریدن مینگلرچهسی نظامالدین قیصاری توتقونگه آلینگنی توغریسیده، 9- کون ناراضیلیک نمایشلرگه قول اوریب و مرکزی حکومتدن شرط سیز جنرال دوستم مملکت گه قیتیشی و نظام الدین قیصاری قوییب یوباریلیشی نی سورهگنلر.
فاریاب ولایتینینگ اعتراضچیلری، مذکور ولایتده سیلاولر ایرکین کمیسیونینینگ ولایتی دفترینی یاپیب و آگاهلنتیریشیچه، ایستکلریگه ایجابی جواب بیریلمهگن صورتده، مذکور ولایتده برچه دولتی ادارهلرنینگ دروازهلرینی یاپهدیلر.
باشقه بیر تامانده، شو واقعه سرپل ولایتیده هم تکرار بولگن و اعتراضچیلر سیلاولر ایرکین کمیسیونینینگ ولایتی دفتری نی باغلب آگاهلنتیریشیچه، اولرنینگ ایستکلریگه دقت قیلینمهگن صورتده، قوللریدن کیلگن ایش گه قول اورهدیلر.
سرپل ولایتیده اعتراضچیلردن نمایندهلیک قیلگن مذکور ولایتنینگ ولایتی کینگشی باشلیغی محمدنور رحمانی و اوشبو ولایت یشاوچیلریدن بیری ادیب آشنانینگ ایتیشیچه، ناراضیلیک نمایشلر باشلنگنیدن 9 کون اوتماقده و حاضرگچه دولت اعتراضچیلرنینگ قانیقتیریش اوچون هیچ بیر ایش قیلمهگن و بو موضوع ناراضیلیک نمایشلر کینگهییشی گه سبب بولگن.
اوشبو موضوع توغریسیده جمهورلیک ریاستی و سیلاولر ایرکین کمیسیونینینگ فکرینی اورگهنیش اوچون علاقه قوردیک، بیراق کیین مه کیین سعی و حرکتلر نتیجهسیده، بو ایش گه مؤفق بولمهدیک.
