آلمانده تیریکچیلیک قیلهدیگن افغانستانلیک مهاجرلردن بیرقطاری، آلمان بوییچه افغانستان نینگ ایلچیخانهسیده بولگن فساد و ایشسیزلیگیدن تنقید قیلیب ایتیشیچه، مهاجرلرنینگ ایستکلریگه دقت بولمهگن صورتده، کینگ شکلده اعتراض قیلیشلری ممکن.
اوشبو مهاجرلرنینگ کوپهیتیریشیچه، ناراضلیک نمایشگه اشتراک قیلمهیشلری اوچون آلمان بوییچه افغانستان نینگ ایلچیخانهسی تامانیدن آگاهلنتیریلگنلر.
مهاجرلر حقوقیدن دفاع قیلهدیگنلردن بیری سید نسیم سادات نینگ ایتیشیچه، ایلچیخانه ایشلاوچیلری نینگ دقتسیزلیگی و اوشبو ایلچیخانهده فساد بولگنی مهاجرلرگه قرشی قیینچیلیک یرهتگن.
جناب ساداتگه کوره، آلمان بوییچه افغانستان ایلچیخانهسی نینگ ایشسیزلیگی سبب، کوپ قطار مهاجرلر ایشلرینی قولدن بیرگن.
مهاجرلرنینگ ایتیشیچه، آلمان بوییچه افغانستان ایلچیخانهسی مهاجرلر آرهسیده ساخته حجتلر نشر قیلیش بیلن اولردن اعتراضگه اشتراک قیلمهیشلرینی سورهگن.
بوتوغریده افغانستان تشقی ایشلر وزیرلیگی و آلمان بوییچه افغانستان ایلچیخانهسی مسووللری فکرینی آلیش اوچون سعی و حرکت قیلدیک، بیراق جواب قیتیریشگه حاضر بولمهدیلر.
