.JPG)
هرات ولایتی کینگشی باشلیغی کامران علیزایی، بیرینچی محکمهده ایکی یریم ییل تنفیذی حبسگه محکوم ایتیلدی.
کابلده اداری فساد آغیر جرملرینی تیکشیریش خاص دستلبکی محکمهنینگ قضایی هیأتی، هرات ولایتی کینگشینینگ باشلیغی کامران علیزایینی وظیفهیی صلاحیتلریدن ناتوغری فایدهلنگنی سبب، غیابی شکلده ایکی یریم ییل قماققه محکوم قیلدی.
اوشبو قضایی هیأت اعضالرینینگ ایتیشیچه، هرات ولایتی کینگشی باشلیغی کامران علیزایینینگ قانونی صلاحیتیدن تشقری ایش قیلگنی و وظیفهیی صلاحیتلریدن ناتوغری فایدهلنگنی سبب، محکمه قیلگنلر.
اداری فساد آغیر جرملرینی تیکشیریش خاص دستلبکی محکمه باشلیغی شیرآقا منیبنینگ ایتیشیچه، علیزایی وظیفهیی صلاحیتلریدن ناتوغری فایدهلنیب و هرات والیسینینگ اورین باسری بیلن اوشبو ولایتنینگ پولیس قومندانلیگی خوفسیزلیک آمری تانیشتیریلیشیگه توسیق بولگن و بو توغریده دییرلیچه دلیل بولمهگنی سبب، جزا قانونینینگ 235- مادهسی اساسیده، برائت آلگن.
بیراق، جناب منیبنینگ ایتیشیچه، کامران علیزایی، قانونی صلاحیتیدن تشقری عمل قیلیشگه عیب لنیب جزا قانونینینگ 285- مادهسی ایکینچی فقره اساسیده، جزا اجراآت قانونینینگ 209- مادهسی اساسیده، ایکی یریم ییل تنفیذی حبسگه محکوم بولگن.
اوشبو محکمه باشلیغینینگ کوپهیتیریشیچه، بو حکم قطعی ایمس و دعوا قیلهدیگنلر قانیقمهگن صورتده، استیناف طلب قیله آلهدیلر.
هرات ولایتی کینگشینینگ باشلیغی کامران علیزایی، اوتگن قویاش ییل یاز موسومیده قوراللی نفرلری بیلن هرات استیناف قارهلاوچیلیگیگه کیریب و اداری فسادگه عیبلنگن بیر کیشینی قماقدن قاچیرگن. شو یوزدن مملکت باش قارهلاوچیلیگی، اونی وظیفهیی صلاحیتیدن ناتوغری فایدهلنیشگه عیبلب قولگه آلینیشیگه بویروغ بیردی.
