پروان ولایتینینگ بیر قنچه اهالیسی هر قندهی بولمهسین کوچیلرگه کیملیک ترقهتیب بیریلیشیگه قرشی ایکنلیکلرینی ایتگنلر. شونینگدیک مذکور شخصلر کوچیلرگه کیملیک ترقهتیلیشی اوچون هیچ بیر گروهگه رخصت بیرمسلیکلرینی ایتگنلر.
مذکور قرمه قرشی لیکلر پروان ولایت والیسی عاصم عاصم، ولایت اهالیسینی رویخطگه آلیش مدیرتیگه رسمی مکتوب یوباریب کوچیلرگه رسمن 83 کیملیک ترقهتیب بیریلیشینی صادر قیلگن.
پروان اهالیسینی رویخطگه آلیش مدیریتینینگ آمری وحید کوهستانینینگ بوگون بیر خبری ییغینده ایتیشیچه، نیچه ییلدن بیری کوچیلرگه کیملیک ترقهتیب بیریشی اوچون باسیم آستیده بولگن. جناب کوهستانی، کوچیلرگه کیملیک ترقهتیب بیریش قانونگه ضد دیر.
اونینگ سوزلریگه کوره، کوچی صفتیده کیملیک قولگه کیریته دیگن کوچی هم بولمهگن و بو ولایتنینگ ییریلیک اهالیسی بولمهگن. انه شو سبب ولایت اهالیسینی رویخطگه آلیش ادارهسی بولرگه کیملیک ترقهتیب بیریشنی بیلمیدی.
اعترضچیلر کوچیلر هیچ بیر زمان پروان ولایتینینگ ییرلیک اهالیسی ایمسلر. حاضر بیر قنچه شخصلر کوچلر نامینی سوء استعال قیلیب پروان ولایتی نینگ نا برقرار قیلیشگه سعی و حرکت قیله دیلر دیگن.
پروان ولایت کینگشینینگ باشلیغی عبدالظاهر سالنگینینگ سوزلریگه قرهگنده، بو ینگی بیر مساله ایمس، اوزاق ییللردن بیری بیر قنچه شخصلر کوچیلر نامی نی سوء استعمال قیلیب بو ولایتنینگ ایریم حدولریده ییرلهشیشگه سعی و حرکت قیله دیلر. او، ولایت کینگشینینگ اعضالری و ولایت اهالیسینینگ مخالفتگه قرهمی، کوچیلر کیملیک قولگه کیریتیش اوچون هنوز اوز حرکتلریگه دوام بیرهدیلر دیگن.
شونینگدیک اعتراضچیلری ولایت والیسی کوچیلرگه کیملیک ترقهتیب بیریلیشی اوچون صادر قیلگن مکتوبنی اوزگرتیرمهگن حالده، ییریک نمایشلرگه قول اوریشلری بارهسیده آگاهلنتیریلگن.
بو توغریده ولایت والیسینینگ فکرینی اورگهنیش اوچون حرکت قیلدیک، اما آلیب بارگن سعی و حرکتلریمیز نتیجه بیرمهدی.
