هرات ولایتینینگ محلی یوقاری مرتبهلی رسمیلری و مجلس اعضالری وزیرلیکلر اورتهسیده هماهنگلیک بولمهگن لیگینی تنقید قیلیب، مالی ییل دن 6 آی اوتیشیگه قرهمی؛ لیکن، بولر مذکور ولایتنی فقط 7% مصرفی بودجهسینی قولگه کیریتگنلیکلرینی ایگنلر.
هرات ولایت والیسینینگ سوزلاووچیسی جیلانی فرهادنینگ معلوم قیلیشیچه، مملکت مالیه/ سالیق وزیرلیگینینگ ولایت محلی ادارهسینینگ اختیاریگه بیرگن حجتلرده، مالی ییل باشلهنیشینینگ باشیده 9.5 میلیارد افغانی هرات اوچون اختصاصلشتیریلگن؛ بیراق، بو مبلغ نینگ آز قسمی قوللریگه ییتگن.
جناب فرهادگه کوره، اوتگن کون هرات ولایتینینگ بناسیده اوتکزیلگن ییغینده، ولایت محلی بلند مرتبهلی رسمیلری، ییللیک بودجه وقتیده تولنمهگن لیگی سبب ترقیات لایحهلر عملگه آشیریلمهگن لیگینی بیلدیرگنلر.
معارف، فواید عامه، قیشلاقلرنی رواجلنتیریش، ساغلیقنی سقلش، مخدرمادهلرگه قرشی کورهش، ایکینچیلیک، مستوفیت، بیلیم یورت و قونالغه باشقرمهسی مالیه وزیرلیگی تامانیدن ییترلی بودجه نظرده توتیلگن ادارهلردن حسابلنهدی؛ بیراق، هنوزگچه هم بو ریاستلرگه بودجه بیریلمهگن.
ولایت بناسیده محلی ادارهلر باشلیغلری اشتراکیده اوتکزیلگن ییغینده اشتراک قیلگن ملی مجلسنینگ نمایندهسی غلام فاروق مجروح نینگ سلاموطندار ترماغیگه ایتیشیچه، ییغینده هنوزگچه مالیه وزیرلیگیدن بودجهنی قولگه کیریتمهگن ادارهلر باشلیغلری کابلگه سفر قیلیب، تیگیشلی وزیرلیکلردن ادارهلری بودجهسینی آلیشلری اوستیده کیلیشیلگن.
مجروح، قولگه کیریتیلگن بعضی بیر حجتلرده بیر قنچه وزیرلیکلر خیالی بودجهلرنی ولایتلر ییلک بودجهسیگه کیردیرگنلیکلرینی تیلگه آلگن. او، بو مساله اوستیدن آسانلیک بیلن اوتمسلیکنی ایتیب، مساله اوچون بی فرق یاندهشگن تیگیشلی وزیرلیکلر رسمیلری قولگه آلینیشینی حقیده تاکید ایتگن.
بو توغریده مالیه وزیرلیگی فکرینی آلیش اوچون سعی و حرکت آلیب باردیک؛ اما، مالیه وزیرلیگینینگ سوزلاووچیسی موضوع توغریسیده یریم ساعتدن کیین صحبت بیریشنی وعده بیریب، سونگ جواب بیریشدن باش تاردی.
