عایلهلریدن خبرسیز افغانستان گه سورگون ایتیلگن بالهلر
تخار ولایتیدن بولگن 13 یاشر «مستعار» عبدالله آتلی باله ینگیلیکده جبری شکلده ایران دن هرات ولایتینینگ اسلامقلعه چیگرهسیگه سورگون ایتیلگن. او، 8 آی آلدین آنهسی و ایکی ایناغهسی بیلن ناقانونی شکلده مهاجرت قیلگن و اوزی مینگلرچه مصیبت بیلن ایراننینگ شیراز شهری گه ییتکیزهدی.
عبدالله ایران گه ییتیشگنیدن سونگ، قاچاقچینینگ قرضینی بیریش اوچون بیر باغ ده ایش گه باشلهیدی. او، کوندهلیک 50 مینگ تومان بدلیده آغیر ایشلرنی بجریشگه مجبور بولهدی. شوندهی بیرحالده، ایش ایگهسی 5 آیلیک حقوقینی بیرمهگن و عبدالله ایش ایگهسیدن پول طلب قیلگنده، ایش ایگهسی اونی پولیسگه تاپشیرهدی.
ایران پولیسی هم اونینگ عایلهسیدن خبرسیز چیگرهدن سورگون ایتهدی.
عبدالله نینگ قاچقینلیک جریانیده باج آلیش، کلتکلش، حقارت و اهانت و یمانلیکلر توغریسیده ایتیشیچه، ایران گه بارهدیگن یولیده یخشی حیات اوچون یول آلگن کیشیلر مقصدگه ییتیشمسدن حیاتلری سونگ بولگنلرنینگ جسدلرینی کورگن. اونینگ ایتیشیچه، سورگون ایتیلگن چاغیده، ایران پولیسی شخصی نرسهلرینی آلیش گه هم رخصت بیرمهگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن.
اوشبو میکانیسم موضوعی مهاجرلر قاچاقی و انسان قاچاقی قربانلریدن حمایت قیلیش بولیب و اساسی مقصدلریدن بیری، قربانلردن حمایت قیلیش اوچون دولتی و غیردولتی ادارهلر آرهسیده اویغونلیک ایجاد قیلیش دیر.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ آلتینچی مادهسی و ییتینچی فقرهسیده قاچاق ایتیلگن بالهلر توغریسیده بوندهی دییلگن: «مهاجرلر قاچاقی و انسان قاچاقیده تانیلگن قربانلیک بیر باله بولگنده، (قربانلیک تانیلیشیگه تیگیشلی معلومات) 24 ساعت جریانیده مسؤول اداره گه یوباریلیشی کیرهک و فقره ده کیریتیلگن باله آلتی آیگچه عایلهسیگه تاپشیریلیشی لازم. اونینگ عایلهسی تاپیلمهگنده یا-ده سقلشگه کوچی بولمهگنده باله حمایهوی اجتماعی مرکزلردن بیری گه تاپشیریلهدی.»
بو فقره عبدالله نینگ حالی گه هم شامل بولهدی؛ عبدالله قانونی یاش گه ییتیشمهگن و دولتی ادارهلر تامانیدن جدی شکلده حمایه ایتیلیشی کیرهک؛ نتیجهده عایلهسیگه قیتریلهدی.
.jpg)
بالهلیک اویینلری و اورگهتیش و تربیهلشدن محروم بولیب و ایراننینگ خطرلی یولینی جان گه ساتیب آلگن یالغیز باله عبدالله ایمس دیر. شونینگدیک، باشقه بالهلر حیات آغیرلیگی و بیر لقمه نان تاپیش اوچون کیچهلر آچ قارین و یلنغاچ آیاقلری بیلن دله و دشتلرنی گیزیب اوزینی چیگرهنی او تامانی گه ییتکیزهدی.
شونینگدیک، هرات ولایتیدن بولگن 11 یاشر «مستعار» نصیر آتلی باله ایران گه ییتیب باریشنی بالهلیک اویینلری کبی قولی و قیزیق توشونردی. او هم باشقه بالهلر کبی انسان قاچاقچیلرینینگ سوزلریگه الدهنیب و 2 میلیون ایران تومانی توللب کوپ آرزو و آرمانلری بیلن ایران گه تامان یول آلگن.
نصیر نیمروز و پاکستان چیگرهسی آرقهلی نیچه مرته انسان قاچاقچیلری و قوراللی اوغیرلاوچیلر تامانیدن ساتیلگن و نتیجهده 15 کوندن سونگ ایران گه ییتیشگن. او، یول جریانیده همقطارلریدن کیین گه قالگنی اوچون ایران چیگره پولیسینی قولیگه توشگن.
اوشبو کیچیک باله ایران پولیسی تامانیدن کلتکلنیب، اهانت و حقارت قیلینیب و بار و یوقی تالان قیلینگنیدن سونگ، قیتهدن افغانستان گه سورگون ایتیلگن. نصیرنینگ ایتیشیچه، چیتایل اوچون اویینی ترک قیلگن زمانیدن بویان هر بیر دروازه گه باش اورگنده اهانت و حقارت بیلن روپهره بولگن.
تخار ولایتیدن باشقه بیر 15 یاشر محمد آتلی باله عبدالله و نصیرنینگ اوستیدن اوتگن تجربهنی کیچیرگن. اونینگ ایتیشیچه، قاچاقچیلر یول جریانیده اونی اهانت قیلگن و مینگلرچه قیینچیلیک بیلن ایران گه ییتیشگنیده قیتهدن سورگون ایتیلگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ توقیزینچی مادهسینی ایکینچی و اوچینچی فقرهسی اساسیده، انسان قاچاقی قربانی و شونینگدیک، قربانلیک عایلهسی، قربانلیک دوسیهسی تیکشیریلیش جریانیدن بیر-بیراوینینگ وضعیتیدن خبر بولیشی کیرهک. اوشبو میکانیسم نی ایکینچی و اوچینچی مادهسیده کیلیشیچه، «مهاجرلر قاچاقی و انسان قاچاقیگه تیگیشلی دوسیهلر جریانیدن قربانلرگه معلومات بیریش» و «مهاجرلر قاچاقی و انسان قاچاقی قربانلرینینگ عایلهلرینی سلامتلیگی و خوفسیزلیگیدن ایشانچ بیریش و اولرگه ایشانچ بیریش دیر.»
مذکور ایکی فقره اساسیده، نصیر و محمد، دوسیهلری تیکشیریلیشیدن خبر ایتیلیشی کیرهک. شونینگدیک، مسؤول ادارهلر، مذکور بالهلرنینگ علاقهسینی ایرانده عایلهلری بیلن سقلهشی لازم.
هرات ولایتیده مهاجرلر و باشپناه ایزلاوچیلر ریاستی باشلیغی جاوید نادم نینگ ایتیشیچه، جاری ییل باشلنگنیدن بویان، 146 مینگ افغانستانلیک ایران دولتی تامانیدن اسلامقلعه گه سورگون ایتیلگن. جناب نادم، ایران پولیسی آرقهلی مهاجرلر کلتکلنیشینی تصدیقلیدی؛ بیراق ایتیشیچه، زورهوانلیککه دوچ کیلگنلر هیچقچان شکایتلرینی رویخطگه بیرمهیدیلر.
بیراق، مدنی فعاللردن بیرقطاری، افغانستان یشاوچیلرینینگ برابریده ایران پولیسینینگ زورهوانلیکلرینی عادی و کوندهلیک بیر موضوع بیلیب ایتیشیچه، بو توغریده نیچه مرته اعتراض بیلدیرگنلر، بیراق افغانستان حکومتی و ایران دولتی اولرنینگ سیسلریگه قولاق سالمهگن.
هرات ولایتیده مدنی فعال جاوید عمیدنینگ ایتیشیچه، مدنی ادارهلر نیچه مرته ایران قنسولی برابریده افغانستان مهاجرلری برابریده ایران پولیس کوچلرینینگ زورهوانلیکلری باعث، اعتراض بیلدیرگنلر، بیراق حاضرگهقدر اولرنینگ اعتراضلریگه دقت قیلینمهگن.
هرات حاکمی سوزلاوچیسی جیلانی فرهادنینگ، ایراندن افغانستانلیک مهاجرلر گروهی شکلده سورگون ایتیلیشی اینیقسه عایلهلریدن خبرسیز بالهلر چیقاریلیشی توغریسیده ایتیشیچه، او ایران رسمیلریدن ایکی مملکت آرهسیدهگی دوستلیکنی نظرگه آلیب مهاجرلر زوردن چیقاریلیشی گه توسیق بولیشلرینی سورهیدی.
باشقه تاماندن، هرات ولایتیده انسان حقلری ساحهوی کمیسیونینینگ ایتیشیچه، مملکتده بالهلر قاچاقی تیزیم شکلده مافیا گروهلری تامانیدن عملگه آشیریلهدی. شونینگدیک، اوشبو کمیسیون مسؤوللری، ایرانده افغانستان یشاوچیلرینینگ وضعیتی توغریسیده خواطر بیلدیریب ایتیشیچه، ایرانده افغانستان سیاسی نمایندهلیکلری مملکت یشاوچیلرینینگ وضعیتینی تیکشیریب و ایران رسمیلری بیلن مذاکره قیلیشگه مسؤول دیر.
بیراق، هرات ولایتیده ایران قنسولی، افغانستان مهاجرلری برابریده ایران پولیس کوچلرینینگ یامان یاندهشیشلرینی رد قیلیب ایتیشیچه، هر بیر کیشینینگ قانونی حجتی و ویزهلی پاسپورتی بولمهگنده مملکتیگه قیتریلیشی کیرهک.
