کابل غربینینگ یشاوچیلریدن یوزلرچهسی ایکینچی کون «شمشیر قومندان» آتیگه شهرت قازانگن قومندان علیپور توتقونگه آلینگنیگه ناراضیلیک بیلدیریب کابل جادهلریگه چیققنلر. کابل گه علاوه بامیان، دایکندی، بلخ و غزنی ولایتلرینینگ یشاوچیلریدن یوزلرچهسی اعتراض بیلدیریب قومندان علیپور قوییب یوباریلیشینی سورهگنلر.
کابل شهریده ناراضیلیک بیلدیرگنلر جمهور رئیس ایکینچی اورین باسری سرور دانشنینگ اویینی اونگیده توپلهنیب بیر سیس بیلن قومندان علیپور قوییب یوباریلیشینی طلب قیلگنلر. اولرنینگ ایتیشیچه، امنیتی کوچلر اعتراضچیلرنی اوققه توتگن.
اعتراضچیلرنینگ ایتیشیچه، علیپور حکومت و اهالی گه قرشی ایمس؛ بلکیم یشاوچیلرنینگ خوفسیزلیگینی تأمین قیلهدی. اولر حکومتدن علیپورنینگ قوییب یوباریشینی سورهیدی.
ساغلیقنی سقلش وزیرلیگی کابلده ناراضچیلردن 19 تهسی و بامیان ساغلیقنی سقلش ادارهسی 7 ناراضچینی یرهلنگنیدن خبر بیرگن، بیراق ناراضچیلرنینگ ادعا قیلیشیچه، یرهلنگنلر و هلاک ایتیلگنلرنینگ ارقامی کوپ دیر.
جمهورلیک ریاستینینگ ایکینچی اروین باسری سرور دانشنینگ مطبوعاتی دفتری بیر خبرنامه آرقهلی، ناراضچیلرنینگ نمایندهلری بیلن مذاکره صورت تاپگنیدن خبر بیریب و ناراضچیلرنی تینچلیککه دعوت قیلگن.
ملی خوفسیزلیک عمومی ریاستی هم بیر خبرنامه ترقهتیش بیلن علیپورنی مسوولسیز قومندان و اونینگ فعالیتینی قانونگه قرشی عنوان قیلگن.
بوگون "دوشنبه" ایچکی ایشلر وزیرلیگینینگ ییریک اورین باسری اختر ابراهیمی و ملی اوردو باش قومندانینینگ بیر خبری ییغین آرقهلی ایتیشیچه، پولیس حاضرگهقدر ناراضچیلرگه قرشی اوق آتمهگن.
جناب ابراهیمیگه کوره، فرصت طلب کیشیلر ایچکی ایشلر وزیرلیگی تامانیدن مسجدلرنینگ خوفسیزلیگینی تامینلش اوچون بیرلگن قورال بیلن 18، 13 و 6- پولیس حوزهلری اوستیگه هجوم قیلگنلر و پولیس پوستهلریدن 6 تهسینی اوتگه تارتگنلر.
ایچکی ایشلر وزیرلیگینینگ ییریک اورین باسریگه کوره، علیپور مجرم بیر کیشی دیر و حاضرده ملی خوفسیزلیک تحقیقاتی آستیگه قرار تاپگن.
اونینگ ایتیشیچه، نارضچیلرینینگ هلاک و یارهلنگنلری خصوصیده بیللی ارقام قولگه یوق؛ بیراق اوشبو واقعهگه 48 پولیس یرهلنگن.
عینحالده، میدانوردک ولایتی یشاوچیلریدن اونلرچهسی حکومت حرکتیدن حمایت ایتیب و اوشبو قومنداننینگ محکمه ایتیلیشینی سورهگنلر.
ناراضچیلرنینگ آگاهلنتیریب ایتیشیچه، حکومت اولرنینگ ایستکلریگه دقت قیلمهگن صورتده، کابل- میدانوردک قتناو یولینی یاپیب قویهدیلر.
نمایندهلر کینگشیده هم علیپورنینگ قولگه آلینگنی خصوصیده صحبت ایتیلگن.
نمایندهلر کینگشی باشلیغی عبدالرووف ابراهیمینینگ ایتیشیچه، ملی خوفسیزلیک ریاستینینگ علیپورنی قولگه آلینگنی خصوصیده پارلمان و یشاوچیلرگه معلومات بیریشی کیرهک.
نمایندهلر کینگشینینگ باشلیغی، اوشبو کینگش ایچکی امنیتی کمیسیونیگه ملی خوفسیزلیک ادارهسی بیلن بو توغریده صحبت قیلیش دستورینی بیرگن.
عینحالده، ناراضچیلرنینگ ایتیشیچه، علیپور قوییب یوباریلمهگن صورتده، ناراضلیک نمایشلریگه دوام بیرهدیلر.
