بوگون "پنجشنبه" ساغلیقنی سقلش وزیرلیگی سرپرستی احمدجواد عثمانی نینگ حج و اوقاف وزیری بیلن قوشمه خبری بیر ییغین اوتکزیب ایتیشیچه، مملکت حاضرده هم کرونا ویروسی بحرانی بیلن روپهره دیر و اهالی رمضان هییتیده قیلگن خطالرنی تکرار قیلمهسین.
جناب عثمانی نینگ رمضان هییتیگه اشاره قیلیب ایتیشیچه، هییت کونلریدن آلدین کرونا ویروسیگه چلینگنلرنینگ سانی کمهیگن ایدی، بیراق هییتدن سونگ، اهالی نینگ دقتسیزلیگی باعث، اوشبو ویروسگه چلینگلرنینگ سانی کوپهیدی.
ساغلیقنی سقلش وزیرلیگی سرپرستی، یشاوچیلردن قربان هییتی کونلریده ساغلیک توصیهلرنی رعایت قیلیب و ییغینلرده اشتراک قیلمهیشلرینی سورهگن.
اوشبو ییغینده حج و اوقاف وزیری عبدالحکیم منیب نینگ ایتیشیچه، کرونا ویروسی حاضرده هم مملکتنی تهدید قیلهدی و مملکت یشاوچیلرنی ساغلیک توصیهلریگه عمل قیلیشی کیرهک.
اوتگن بیر کیچه و کندوز ده کرونا ویروسیدن 201 ینگی ایجابی واقعه قید ایتیلگن بیرحالده، ساغلیقنی وزیرلیگی اوشبو ویروسی خطرلریدن خواطر بیلدیریب و هییت کونلریده کرونا ویروسیگه چلینگنلرنینگ سانی کوپهیشیدن آگاهلنتیرگن.
