کابل بوییچه واشنگتن ایلچیسی بیر توییت آرقهلی، افغانستان ده بچهبازلیک و بالهلر زوردن ایش قیلیشی نینگ توختهتیلیشی نی سورهدی. بوگون (پنجشنبه 9- اسد 30- جولای) انسان قاچاقی گه قرشی کورهش خلقارا کونی دیر.
کابل بوییچه واشنگتن ایلچیسی راس ویلسن، شو مناسبت بیلن افغانستان دولتیدن مملکتده زوردن ایش قیلیش و بچهبازلیک توختهتیلیشی نی سورهدی.
جناب ویلسن نینگ کوپهیتیریشیچه، بچهبازلیک یا-ده بالهلرنی زوردن ایش قیلدیرهدیگن کیشیلر جواب بیریشلری کیرهک.
شونینگدیک بیرلشگن ملتلر تشکیلاتی نینگ مخدره ماده و جرم گه قرشی کورهش دفتری نی باش مدیری نینگ ایتیشیچه، انسان قاچاقچیلری هر کون دنیا مملکتلریده فایده قولگه کیلتیریش اوچون انسانلردن سوءاستعمال قیلیشهدی.
بیرلشگن ملتلر تشکیلاتی نینگ مخدره ماده و جرم گه قرشی کورهش دفتری نی باش مدیری غدا فتح ولی، انسان قاچاقی گه قرشی کورهش خلقارا کونی مناسبتی بیلن ایتیشیچه، قشاق انسانلر باشقهلردن کوپراق بو خوف بیلن دوچ کیلیشی ممکن.
اونگه کوره، انیقلنگن قربانیلرنینگ 70 فایزی دن آرتیغی عیاللر و قیزلر دیر و شونینگدیک اوچ دن بیر حصهسینی بالهلر تشکیل بیرهدی.
