قرنطینه دوریده عیاللرگه قرشی 249 زوروانلیک واقعه قید ایتیلگن

بوگون "پنجشنبه" باش قارلاوچیلیک اداره‌سی نینگ مسووللری، خبری بیر ییغینده عیا‌ل‌لرگه قرشی زوروانلیک خصوصیده بولگن ینگی گزارش‌لرینی نشر قیلگن.

باش قارلاوچیلیک اداره‌سی اورین باسری سینا شنا منصور نینگ ایتیشیچه، اوتگن 3 آی قرنطینه دوریده مملکت بوییچه عیال‌لرگه قرشی 249 زوروانلیک واقعه قید ایتیلیب و تیکشیریلگن.

خانم منصورگه کوره، مالی ییل بیرینچی 6 آیده مملکت بوییچه، عیال‌لرگه قرشی 1173 زوروانلیک واقعه قید ایتیلگن و بوجمله‌دن، 548 کلتک‌لنیش، 141 قیناققه سالیش و 121 جنسی زوروانلیک واقعه دیر.

عین‌حالده، باش قارلاوچیلیک اداره‌سی سوزلاوچیسی جمشید رسولی نینگ ایتیشیچه، اوتگن بیر ییل جریانیده اداری فساد، جنایت، آدم اوغیرلاوچیلیک و باشقه واقعه‌لر شامل 41 مینگ واقعه اوشبو اداره تامانیدن تیکشیریلگن.

باش قارلاوچیلیک مسوول‌لری، باله‌لرنینگ تخلفی واقعه‌لری نینگ قید و تیکشیریلگنی‌دن خبر بیرگن و باله‌لرگه تیگیشلی 832 واقعه تیکشیریلگن.