برشنا شرکتی انچه ییللردن بویان زوروانلر و حکومت رسمیلریدن برق پولینی توپلش خصوصیده تورلی قیینچیلیکلرگه دوچ کیلگن، بیراق ینگیلیکده برق اوغیرلهیدیگن کیشیلر مذکور شرکت اوچون کتته قیینچلیککه اوزگرگن.
بوگون «سهشنبه» برشنا شرکتی و باش قارهلاوچیلیک ادارهسی آرهسیده برق اوغیرلهیدیگنلر و برق دن سوءاستعمال قیلهدیگنلرنینگ دوسیهسی ایزلهنیشی و تیکشیریلیشی اوچون بیر کیلیشوونامه امضاءلندی.
کابلده خبری بیر ییغین اوتکزگن برشنا شرکتی باشلیغی امانالله غالب نینگ ایتیشیچه، مملکت بویلب کمیده 300 اوغیرلاوچی امنیتی، عدلی و قضایی ادارهلرگه تانیشتیریلگن و بولردن 202 تهسی باشکینتده حیات کیچیرهدی.
اونگه کوره، قرضدارلر حاضرگه قدر برق پولیدن 108 میلیون افغانی توللگن و باشقه 3 مینگ قرضدار برق پولینی قسطی شکلده توللش گه حاضر بولگن.
شو توغریده:
برشنادن قرضدار زوروانلرنینگ کیملیکلری ایرته نشر ایتیلهدی
برشنا و مرکزیبانک ارا عامه ایشانچلرینی رویخطگه آلیش سیستم کیلیشووی امضاءلندی
برشنا شرکتیدن قرضدار بولگنلر، فسادگه قرشی کورهش عدلی و قضایی مزکرگه تانیتیلهدی
باشقه بیر تاماندن، باش قارهلاوچیلیک اورین باسری نورحبیب جلال اوشبو کیلیشوو امضالنیش چاغیده ایتیشیچه، بو کیلیشوو امضالنگنیدن کیین برق اوغیرلهیدیگن و برق ایستیشنلریگه زیان ییتیشتیرهدیگن کیشیلرنی دوسیهسی تیکشیریلیشی اوچون خاص بیر کمیته ایش باشلهیدی.
برشنا شرکتی مسؤوللری، زوروانلر و قطار حکومت رسمیلری برق پولینی توللمسلریدن خواطر بیلدیریب آگاهلنتیریشیچه، قرضدارلرنینگ قرضلرینی توللش گه بیر هفته وقتلری بار و شونچه مدتده قرضلرینی توللمهگن صورتده، اولر بیلن قانون اساسیده یاندهشیلهدی.
