«ایکی ییل آلدین، آتم یاش سینگلیمنینگ 20 مینگ افغانی اوچون اوییمیزنینگ انباریده اولدیردی و بوگون ایکینچی خاتینی اوچون آنمنینگ اولدیردی.» آنهسینینگ اولیمی توغریسیده، بو حمیدهنینگ سوزلری دیر.
42 یاشر زهره ناملی عیال بوگون فاریاب ولایتیده قوشنینینگ اوغلی تامانیدن آتیب اولدیریلدی؛ اوشبو عیالنینگ یاش قیزینی ایشانچیگه کوره، بو قتل آتهسی تامانیدن ریجهلنگن.
عایلهنینگ کته قیزی حمیدهنینگ ایتیشیچه، اوتگن کون حیاطهلریدهگی درختلردن بیرینی ایلدیزی قوشنیلرینینگ اوغلی عبدالشکور تامانیدن کیسیلگنی باعث، آنهسی عبدالشکور بیلن اوروشگن و بو اوروش فیزیکی جنجلگه تارتیلیب و عبدالشکور آنهسینی کلتکلهگن. اوندن سونگ، قضیه امنیتی کوچلرگه گزارش بیریلگن، بیراق عیبلنگن کیشی امنیتی کوچلرنینگ قولیدن قاچگن و بیر آز مدتدن کیین، حمیدهنینگ کوزینی اونگیده آنهسینی آتیب اولدیرهدی.
حمیدهگه کوره، اوروش قتل اوچون بهانه بولگن و بو جنایت ایلگریدن آتهسی تامانیدن ریجهلنگن.
بو واقعه میمنه شهرینینگ چرمگرخانه منطقهسیده یوز بیرگن.
فاریاب پولیس قومندانلیگی مطبوعات مسؤولی عبدالکریم یورشنینگ ایتیشیچه، قتل سببی عایلهوی جنجللر بولگن و قاتل محلدن قاچیب کیتگن.
شونینگدیک، میمنهدهگی افغان-تُرک کسلخانهسی قانونی طِب اعضاسی داکتر عبدالاحد قاریزادهنینگ ایتیشیچه، بیر اوق عیالنینگ کوکرهگی و باشقه ایکی اوق قولتیغیگه تیککن.
بیراق، منطقهدهگی قوم بویوکلردن بیری گلمحمد، زهرهنینگ قتلیگه ایرینی قولی بارلیگینی رد قیلیب ایتیشیچه، جنجل درخت ایلدیزی کیسیلیشیدن چیقیب و نتیجه قتلگه سبب بولگن.
اوشبو عایلهنینگ کته قیزی ایکی ییل آلدین، یمان شکلده اولدیریلگن ایدی، بیراق حاضر حمیدهنینگ ایتیشیچه، ینگیلیکده بیلگن کیم، سینگلیسی آتهسینینگ بویروغی بیلن 20 مینگ افغانی برابریده اولدیریلگن.
