بوگون «شنبه» کابلده مدنی جماعهچیلیک ادارهلریدن تشکیل ایتیلگن افغانستان تینچلیک اویی مسؤوللرینینگ ایتیشیچه، تینچلیک جریانی ملی و تنیق ایمس دیر و بو موضوع اهالینی خواطرگه سالگن.
افغانستان سیلاولرینی کوزهتیش شفافیت ادارهسی یا-ده تیفا نینگ اجراییه باشلیغی محمدنعیم ایوبزاده نینگ ایتیشیچه، افغانستان یشاوچیلری اوروشلرگه قربان بولگنلر؛ بیراق تینچلیک لایحهسیگه سهیم بولیش اوچون اولرگه رخصت بیریلمهیدی.
اونینگ ایتیشیچه، تینچلیک لایحهسینی سیاسی قیلیش خصوصیده حکومتنینگ سعی و حرکتی باعث، بو لایحه ایجابی نتیجه بیرمهگن.
تیفا اجراییه باشلیغی گه کوره، تینچلیک اوچون سیاسی یول آرقهلی سعی و حرکت ایتیش، دولت گه قرشی گروهلرگه قدرت و هویت بیرهدی.
افغانستان تینچلیک اویی اعضالریدن بیری عبدالله احمدی نینگ ایتیشیچه، تینچلیک لایحهسی باشلنگدن بویان مملکت خوفسیزلیک وضعیتی یمان بولگن.
انسانی و دموکراتیک ارزشلرنینگ سقلهنیشی، اساسی قانون گه حرمت ایتیش، تینچلیک اوچون منطقهیی و خلق ارا دایمی اجماع، عیاللر، یاشلر، حزبلر و اقلیتلرنی تینچلیک لایحهسیگه اشتراک قیلیشی افغانستان تینچلیک اویی نینگ اساسی ایستکلریدن دیر.
کورینیشیچه، سونگی کونلرده طالبان گروهی بیلن رسمی صورت مذاکره قیلیش خصوصیده سعی و حرکتلر کوپهیگن.
