سوو و برق وزیرلیگی ایشلاوچیلریدن بیرقطاری نینگ ایتیشیچه، بو وزارت نینگ ایکی ادارهگه اجرهتیلگنی باعث، مسلکلریگه قرشی بستلرده استخدام ایتیلیب و یا-ده ایشلرینی قولدن بیرگنلر. سوو و برق وزیرلیگی کمیده ایکی آی آلدین جمهور رئیس تامانیدن ایکی اداره- سوونی تنظیم قیلیش ملی اداره و انرژی خذمتلرینی تنظیم قیلیش اداره-گه اجرهتیلدیگن ایدی.
اوشبو وزارت ایشلاوچیلریدن بیری نینگ کیملیگی سیرقالیشنی ایستهب سلاموطندارگه ایتیشیچه، مذکور وزارت نینگ ایکی ادارهگه اجرهتیلگنیدن سونگ، بیرقطار کیشیلر سیناوده اشتراک قیلمسدن اوشبو ادارهلرگه استخدام بولگن.
سوو و برق وزیرلیگی ایشلاوچیلریدن باشقه بیری نینگ ایتیشیچه، ینگیده تقسیم بولگن ادراهلرنینگ مسووللری قانونگه قرشی اوز یقینلرینی سابق ایشلاوچیلر اورنیده استخدام قیلهدیلر.
کیملیگی سیرقالیشنی ایستهگن بیر منبع نینگ سلاموطندارگه ایتیشیچه، ینگیدن اجرهتیلگن ادارهلرنی مسلکی توزهتیش اوچون 5- و 6- بستلر 3- و 4- بستلرگه اوزگرگن و بیرقطار بستلر تنقیض ایتیلگن.
اونینگ ایتیشیچه، بستلری تنقیض ایتیلگن ایشلاوچیلر سیناو آرقهلی، باشقه ادارهلرده جذب ایتیله آلهدیلر.
سوو و برق وزیرلیگی اوتگن ییل حوت آیده جمهور رئیس محمد اشرف غنی نینگ حکمی آرقهلی ایکی ادارهگه اجرهتیلگن ایدی.
