.jpg)
بوگون «پنجشنبه» تخار اهالیسیدن یوزلرچهسی تالقان شهریده جاده گه چیقیب و افغان سوزی کیریتیلگن برقی کیملیکلر ترقهتیلیشی توختهلیشینی سورهگنلر.
اعتراضچیلر «بیزلر افغان ایمس میز» و «کیملیکلرده قومی کیملیگیمیز کیریتیلسین» شعارلری بیلن برقی کیملیکلر ترقهتیلیشی توختهلیشینی طلب قیلگنلر. اولرنینگ ایتیشیچه، برقی کیملیکلرنی ترقهتیش جریانیده «فاشیست بیر گروه» تامانیدن باشقریلهدی و بو توغریده برچهنینگ ایستهگی نظرگه آلینیشی کیرهک.
اعتراضچیلردن بیری فرزاد مجیدپورنینگ ایتیشیچه، هیچ بیر گروهنینگ اهالیسی اوستیگه اوزی ایستهگن کیملیگینی تحمیل قیلیشگه حقی یوق دیر.
شونینگدیک، اعتراضچیلرنی آرهسیده تخار ولایتینینگ سابق حاکمی اکرم کارگر کورینهدی. جناب کارگر ایسه محمداشرف غنینینگ ریاستیده بولگن حاضرگی حکومتنی تاریخ دوامیده «اینگ ظالم حکومت» دیب بیلهدی.
.jpg)
تخار ولایت کینگشی اعضاسی عصمت قربانینینگ آگاهلنتیریشیچه، بو جریان دوامی مملکتنی اوروش گه تارتهدی و اولر اوروش سنگرلریگه باریش اوچون تیار دیر.
شونینگدیک، اعتراضچیلر مجاهدلرنینگ دورانیده بولگن ملی سرودنی نشر قیلیب افغانستاننینگ آتی خراسان گه اوزگریشینی سورهگنلر.
عین حالده، اعتراضچیلر بیر شرطنامه صادر قیلیب برقی کیملیکلر 1393- ییلده نمایندهلر کینگشی تامانیدن تصدیقلنگن قانون اساسیده ترقهتیلیشینی ایستهگنلر.
بوندن آلدین، بلخ، بدخشان و پنجشیر یشاوچیلری، برقی کیملیکلرده «افغان» سوزی کیریتیلمهسی توغریسیده اعتراض بیلدیرگن ایدیلر و کیلهجک نیچه کونده باشقه نیچه کته شهر شو موضوع توغریسیده یشاوچیلرنینگ اعتراضلریگه گواه بولیشی ممکن.
