.jpg)
بلخ ولایتی لوازمینی سرپرستلیک آرقهلی وقتینچهلیک باشقریب کیله دیگن عطامحمد نور، اسلام حزبی رهبری گلبدین حکمتیارنینگ تینچلیک لایحهسیگه قوشیلیشی بارهسیده فکر بیلدیریب ایتیشیچه، حکمتیار اساسی قانوننی تن آلیب، ترورچی گرولر بیلن علاقهسینی کیسگن حالده و امتیاز سورهمی تینچلیک لایحهسیگه قوشیلگن تقدیرده، اونی خوش قرشیلب حمایت قیلهدی.
افغانستانده خلق ارا کوچلرینینگ عمومی قوماندانی جنرال جان مک نکلوسیون بیلن اوتکزگن قوشمه مطبوعات انجمنیده سوزلب، دایم تنینچلیک گروهیگه قوشیلیش اوچون سعی و حرکت قیلگن جنگریلرنی حمایت قیلگن لیگینی تیلگه آلگن. او، قوراللی گروهلر تینچ یول بیلن یرهش لایحهسیگه قویلیشی مملکت ملی منفعتیگه دیر.
شونینگدیک بلخ ولایت سرپرستی عطا محمد نورنینگ اوتگن کون دارگه تارتیلگن توغریسیده اشاره قیلیشچه، سابق جمهور رییس برهان الدین ربانینی اولدیرگنلیکده قولی بولگن شخصنینگ دارگه تارتیلیشی سیرلی دیر. چونکه جناب ربانینی قتل قیلگنلر هنوز هم تریکلر. شونینگدیک جناب نور، واقعهنینگ اصلی عاملی بولمیش ترورچیلرگه اوییده جای بیرگنلر هنوزگچه قول آلنمهگن دیگن سوراقنی بیرگن.
عین حالده، عطامحمد نور، ربانینی قتل قیلگنلیکده قولی بولگن شخصلر دارگه تارتیلیشی اوچون حکومت اسلامی جمعیت حزبی اینیقسه اونینگ اوغلی بیلن مصلحت بولمهگن دیگن.
ترورچیلرنی دارگه تارتیشنینگ بیرینچی باسقیچی اوتگن کون آلتی ترورچی دارگه تارتیلیشی بیلن عملی بولدی. دارگه تارتیلگنلر ایچیده برهانالدین ربانی و عبدالله لغمانینی اولدیرگنلیکده قولی بولگنلرهم موجود.
