ساغلیک وزیرلیگی نینگ ایتیشیچه، اوتگن بیر کیچه-کوندوز ده 11 ولایتده کرونا ویروسی نینگ 68 ایجابی واقعهسی قید ایتیلگن.
بوگون (یکشنبه 7- ثور) مذکور وزیرلیک تامانیدن نشر قیلینگن گزارش گه کیلیشیچه، 13 کیشی غزنی، 11 کیشی پکتیا، 9 کیشی پکتیا، 8 کیشی بلخ، 6 کیشی کابل، 6 کیشی بادغیس، 4 کیشی ننگرهار، 4 کیشی هرات، 3 کیشی لغمان، 3 کیشی خوست و باشقه بیر کیشی بغلان ولایتیده کرونا ویروسی گه چلینگن.
اوشبو ینگی واقعهلر قید ایتیلیشی بیلن مملکتده کرونا ویروسی گه چلینگنلر رقمی 1531 کیشی گه ییتیشدی.
ساغلیک وزیرلیگی گه کوره، اوتگن 24 ساعت ده 3 کیشی بو ویروس باعث جان بیرگن. مذکور 3 کیشی بیلن مملکتده کرونا ویروسی باعث هلاک بولگنلر رقمی 50 کیشی گه ییتیشدی.
ساغلیک وزیرلیگی نینگ گزارشی گه کیلیشیچه، اوتگن بیر کیچه-کوندوز ده پکتیا ولایتیده بو ویروس گه چلینگن بیر کیشی دارولنگن. مملکتده کرونا ویروسی نینگ بیرینچی ایجابی واقعهسی قید ایتیلگنیدن بویان بو ویروس گه چلینگن 207 کیشی دارولنگن.
حاضرگچه مملکت نینگ 33 ولایتیده کرونا ویروسی نینگ ایجابی واقعهسی قید ایتیلگن.
