پکتیا ولایتیده معارف ریاستی باشلیغی کوچی زازینینگ بیر خبری ییغین آرقهلی ایتیشیچه، اوشبو ولایت یشاوچیلری 60 میلیون افغانی ارزشی بولگن 72 جریب شخصی ییرنی مکتب قوریش اوچون معارف ریاستی اختاریگه قوییگن.
اونینگ ایتیشیچه، پکتیا ولایتی یشاوچیلرینینگ معارف خصوصیده بولگن علاقهسی کوپهیگن و اوتگن ییل هم اوشبو ولایت یشاوچیلری مکتب قوریش اوچون 24 میلیون افغانی همکارلیک قیلگن ایدیلر.
پکتیا معارف ریاستی باشلیغی، کیلهجک ییلده 40 باب مکتب بناسینینگ قوریلیشیدن خبر بیرگن. اونینگ ایتیشیچه، مذکور مکتبلر بناسینینگ بودجهسی موجود دیر و شهرلرنی قوریش وزیرلیگی هم بو موضوعنی تیکشیرماقده.
پکتیا مملکت جنوب شرقیده قرار تاپیب و بو ولایتده 360 باب مکتب بار، بیراق بوجملهدن 220 مکتبنی بناسی یوق.
