اوتگن کون (شنبه 20- ثور) غور یشاوچیلری تامانیدن یولگه قوییلگن ناراضلیک نمایش گه 5 کیشی هلاک ایتیلگنیدن کیین، محلی ارگانلر ادارهسی نینگ ایتیشیچه، بو حادثه نی تیکشیریش اوچون حکومت آرقهلی بیر هیأت تعیین ایتیلگن.
مملکت محلی ارگانلر ادارهسی نینگ ایتیشیچه، مذکور هیأت گه ولایت مقام، ولایتی کینگش، ملی خوفسیزلیک ریاستی، پولیس قومندانلیگی و عدلی و قضایی ادارهلر نمایندهلری شامل دیر. مذکور اداره آرقهلی نشر ایتیلگن اعلامیه گه کیلیشیچه، شونینگدیک مذکور هیأت گه انسانی حقلر کمیسیونی نینگ ولایتی دفتری، عالملر، ییگیتلر و مدنی فعاللر نمایندهلری هم شامل دیر.
اعلامیه گه کوره، حادثه تیکشیریلگنیدن کیین اونینگ عامللری جزالنتیریلیشی ممکن.
اوتگن کون (شنبه 20- ثور) ایرتهلب غور یشاوچیلری نینگ اعتراضی زوروانلیککه تارتیلدی. حادثه شاهدلری نینگ سلاموطندارگه ایتیشیچه، بو ولایت یشاوچیلریدن یوزلرچهسی عربی بیر موسسه یاردملری عدالتسیز شکلده ترقهتیلیشی باعث مذکور ولایت مقام دفتری برابریده اعتراض بیلدیریشگن ایکن کیم بو اعتراض زوراونلیککه تارتیلگن.
غور ولایتیدن سلاموطندار خبرچیسی نینگ ایتیشیچه، اعتراضچیلر پولیس بیلن آتیشگن بیر حالده، پولیس اعتراضچیلرنینگ اوستیگه اوق آتگن.
ایتیلیشیچه، مذکور حادثهده محلی بیر خبرچی شامل 4 کیشی هلاک و باشقه 17 کیشی یرهلنگن.
بیراق ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور حادثهده قطار کیشیلر فرصتدن فایدهلنیب امنیتی کوچلرنینگ اوستیگه اوق آتیشگن کیم نتیجهده، ایکی پولیس هلاک و باشقه 10 پولیس یرهلنگن.
