قندوز محلی مسؤوللرینینگ ایتیشیچه، قندوزنینگ امامصاحب تومنینی 20 قیشلاغیده قتیق یامغیر یاغیشلر و سوو تاشقینلری مذکور ولایت یشاوچیلریگه آغیر مالی زیانلر ییتکیزگن.
سلاموطندارگه صحبت بیرگن امامصاحب ولسوالی محبوبالله سیدینینگ ایتیشیچه، حاضرگچه اوشبو تومنده 1000 دن آرتیق اوی و کمیده 3000 جریب ایکینچیلیک ییر بوزیلگن.
شونینگدیک، امامصاحب تومنی یشاوچیلرینینگ ایتیشیچه، اوشبو واقعهلر نتیجهسیده تیریکچیلیکلریده بولگن دستلبکی امکانیتلر هم اورتهدن کیتگن. اولر حکومتدن سوو تاشقینیدن کورگن مالی زیانلرینی توللهشینی سورهیدیلر.
قندوز ولایت کینگشی باشلیغی محمدیوسف ایوبی، امامصاحب تومنی یشاوچیلریگه ییتیشگن مالی زیاننی تصدیقلیدی و حکومت رسمیلریدن تیزلیکده اوشبو ولایت اهالیسینینگ وضعیتیگه دقت قیلیشینی طلب قیلگن.
بیراق، قندوز ده طبیعی حادثهلرگه قرشی کورهش اداره باشلیغی میرآقا اعتبارنینگ ایتیشیچه، زیان رقمی ییتیشگن زیان رقمیدن آرتیق اعلان ایتیلگن. جناب اعتبارگه کوره، تیکشیرووچی تیملر زیان کورگنلرنی تانیب و اولرگه یاردم بیریش اوچون مذکور تومن گه یوباریلگن.
قتیق یامغیر یاغیشلر و سوو تاشقینلری قندوزنینگ باشقه تومنلریگه هم کوپلب مالی زیان ییتکیزگن، بیراق حاضرگچه دقیق رقم قولده ایمس دیر.
