افغانستانده بالهلر حقوقی دن حمایت قیلووچی بیرینچی قانون نمایندهلر کینگشی ده بالهلرنی یاشی تعیین ایتیلیشی اوستیگه کمیده ایکی ییل جنجلدن سونگ، جمهور رئیس محمداشرف غنی تامانیدن تقنینی بیر فرمان صادر ایتیلیب تصدیقلندی.
بوگون «یکشنبه» کابلده بالهلر حقوقی دن حمایت قیلووچی قانون تانیشتیریلیش ییغینیده جمهورلیک ریاستی ایکینچی اورین باسری محمدسرور دانش نینگ ایتیشیچه، بو قانون جمهور رئیس تامانیدن تصدیقلنگنیدن سونگ، عدلیه وزیرلیگی آرقهلی رسمی جریده ده نشر ایتیلگن.
جناب دانش، افغانستانده بالهلر حقوقی دن حمایت قیلووچی قانون نی منطقه مملکتلری بوییچه اینگ تولیق قانونلردن بیری بیلیب ایتیشیچه، بو قانون ده بالهلرگه تیگیشلی حقوق نی برچه بولیمی نظرده توتیلگن.
اوشبو قانون نی اینگ مهم مقصدلری بالهلر اوچون اورگتیش و تربیهلش گه زمینهلر یرهتیلیشی، بالهلرنینگ جسمی و روحی ساغلیگی، بالهلرنینگ برابریده دولت و آته-آنهلرنینگ مسؤولیتلرنی بیلگیلش و بالهلرگه عاید تخلفلرگه زمینه یرهتیلیشی دن عبارت.
بالهلرنینگ اساسی حقوقی، ناگران بالهلرنی قیتهدن کوچلنتیریش، اجتماعی مراقبتلر، مدنی ترقیات، ایشلاوچی بالهلردن مراقبت قیلیش، اقتصادی بهرهکشلیکلر برابریده بالهلردن حمایت قیلیش، بالهلر تخلفلری، بالهلر قاچاقی و ساتیب آلیشلری، فاحیشهلیک و جنسی زوروانلیکلر برابریده بالهلردن حمایت قیلیش بالهلر حقوقی دن حمایت قیلیش قانونیده کیریتیلگن.
بالهلر حقوقی دن حمایت قیلیش قانونی کمیده ایکی ییل آلدین 16 فصل و 108 ماده ده تصدیقلنیشی نمایندهلر کینگشی گه یوباریلگن، بیراق بو قانون تورت مرته نمایندهلر کینگشی ده تصدیقلنمهگن. مذکور قانون مادهلریدن بیری باله یاشینی بیلگیلیدی و بو ماده نمایندهلر کینگشی نینگ 16- تقنینی دوری نمایندهلری آرهسیده جنجل توغدیردی. نمایندهلر کینگشی اعضالریدن بیرقطاری، بو قانونده باله یاشینی 18 دن قویی دیگنلر، بیراق باشقه بیرقطارلری نینگ ایشانچی گه کوره، بیر باله ده بلاغت اورنکلری کورینگن صورتده، 18 یاشردن قویی بولگنده باله دییلمهیدی.
