معلوماتلرگه کوره، آدملرنینگ ایلّیک فایزی گستریت (آش قازان شیلّیق پردهلری نینگ یهللیغلنیشی)، شهرلیکلرنینگ توقسان فایزی ایسه معده - ایچک معمالریدن اذیت چیکیشرکن.
عالملر فکریچه، بونگه کوپ حاللرده آش قازاننی ساغلام توتیشگه دایر عادی قاعدهلرگه رییویه ایتمسلیگیمیز سبب بولرکن. خوش، بو قاعدهلر نیمهدن عبارت؟ پروفیسور آ. دراپکینه بو قاعدهلرنی بیشتهگه اجرهتیب تحلیل ایتهدی.
بیرینچی قاعده، آوقت معده -ایچک یولینی همیشه ساغلام سهقلش نینگ ایلک شرطی توییملی آوقتلهنیش دیر. تورلی یارمهلر و بوغدای نان هر کونگی توغری آوقت نینگ اساسی حسابلنهدی. بونگه بیر بولک قَینهب پیشگن گوشت یاکه پیشلاق قوشسنگیز ینهده یخشی.
25 یاشدن سونگ سری یاغ یییشنینگ حاجتی یوق، بیراق عیاللر آز- آزدن سرییاغ استعمال قیلیشسه، تیرینی یاش توتیش اوچون ه درمانداریگه ایگه بولیشهدی. گرچی، کوپچیلیک قهوهنی ضررلی حسابلهسه – ده، اونینگ ترکیبیده سِرکه و آلمه کیسلاتهلری، منرال مادّهلر موجود.
معدهنی ایرتهلبدن یخشی حرکتلنتیریش اوچون سوت یاکه یاغسیز قیماق قوشیلگن بیر پیاله قهوه ایچگن معقول. قهوهنینگ ایریتیلهدیگنی هم، تلقانی هم بولهویرهدی. فقط ایریتیلهدیگن قهوه ده کوفین کمراق.
فین عالِملری تدقیقاتیده کونیگه اوچ پیاله (کوفیین مقداری 300 ملی گرام)دن آشیرمهی قهوه ایچیب توریش اینفرکت نینگ آلدینی آلیشی انیقلنگن. مبادا ایرتهلب آوقتگه اشتهانگیز بولمسه، تنده طعام لنیشنی توختهتینگ، شونده، البته، ایرتهلبکی نانوشتهنی عادت قیلهسیز.
نانوشتهدن سونگ، البته، کوندوز ساعت 12 ده تمدّی قیلیب آلینگ.هر کونی توشلیکده، البته، بیرار سویوق طعام ایچینگ. کرَم شوروا جوده فایدهلی، او گوشتسیز بولسه، ینهده یخشی. لبلبو هم عجایب نعمت بولیب، او سرطاننی قوزغهتووچیلرگه قیران کیلتیریشی بیلن اجرهلیب تورهدی.
توشلیکده، البته، لبلبو یینگ. سونگی طعامنی 19.00دن کیچگه قالدیرمنگ. قیین بولسه هم شونگه عادتلنیش شرط. شونده اویقو روان بولهدی. اگر آزماقچی بولسنگیز، کونیگه سکّیز محل، هر سفر بیر پیالهچه مقداریده، تمدّی قیلینگ.
ساغلام آدم کونیگه ایکّی لیترچه سویوقلیک ایچیشی ضرور. ایکّینچی قاعده، پیاده یوریش. معده - ایچک یولی معیاریده ایشلهشی اوچون جسمانی فعال بولیش نینگ اهمیتی کتّه. اېنگ قولهیی ساعتیگه بېش کیلومتر تیزلیکده کونیگه بیر ساعتدن پیاده یوریشدیر.
یخشیسی بو مشغولاتنی اویقودن آلدینگی سَیر صفتیده عملگه آشیرسنگیز، هر جهتدن ساغلام بولهسیز. اوچینچی قاعده. طبی نظارتدن اوتیش. معده - ایچک یولی یخشی ایشلهیاتگنیگه ایشانچ حاصل قیلیش اوچون پولیکلینیکگه باریب، اینگ عادی کوریکلردن اوتیب تورینگ.
اوّلا، قاندهگی قند مقدارینی انیقلهتینگ. اگر او یوقاری بولسه، بو قندلی دیابیت خستهلیگی بیلگیسی بولهدی. سونگ کلوستیرین مقداریگه اهمیت بیرینگ. 25 یاشدن سونگ هر بیر کیشی اوزی نینگ کلوستیر درجهسینی بیلیب یوریشی کیرهک.
قیرق یاشدن آشگن هر بیر کیشی بیر مرته توغری ایچکنی همده معدهنی تیکشیرتیریشی شرط. قاعده، چیکمسلیک. شو نرسه انیقلنگنکی، پنکریهتیتلر (معده آستی بیزی نینگ یهللیغلنیشی)، معده خستهلیکلری، آش قازان آستی بیزی، جگر و آشقازان سرطانلریگه، اساسن، چیکیش سبب بولهدی.
بالهلیک عادتلری بیرار- بیر طعامگه عادتلنیش بالهلیک دوریدنآق شکللنهدی. اگر بالهنی گودکلیگیدن سبزی یییشگه اورگهتسنگیز، او کتّه بولگنده هم شوندی عادتگه بولهدی. بالهنی رغبتلنتیریش اوچون او یاکه بو طعامدن، ایتهیلیک، چاکلیتلردن فایدهلنمسلیک کیرهک.
عایلهده طعاملنیش مدنیتینی شکللنتیریش، اینیقسه، همهنینگ بیر دسترخوان اطرافیده بیر پیتده طعاملنیشیده حکمت کوپ. اگر دسترخوانده همه نرسه مول- کول بولسه، آدم فقط اینگ کیرهکلیگینی آلیشگه عادتلنهدی. اوزاق و ساغلام عمر کورووچیلر انه شو آلتین معیارنی سهقلهی آلووچیلردیر.
