افغانستان ایچکی ایشلر وزیرلیگی نینگ اعلان قیلیشیچه، کابل شهری نینگ بیشینچی ناحیهسیده تروریستی واقعهلر، جنایی جنایتلر و مقصدلی سوءقصدلرنی آلدی آلینیشی اوچون مذکور ناحیه ده موترسایکل بیلن یوریشنی منع قیلگن.
بوگون «جمعه، 22- حمل» ایچکی ایشلر وزیرلیگی تامانیدن نشر قیلینگن خبرنامهده بیشینچی ناحیه یشاوچیلریدن کیینگی خبرگچه موترسایکل بیلن یوریش دن باش تارتیشلری طلب قیلینگن.
ایچکی ایشلر وزیرلیگی نینگ خبرنامهسیده کیلیشیچه، مذکور وزیرلیک نینگ تیکشیروولری اساسیده، کابل شهری نینگ بیشینچی ناحیهسیده یوز بیرگن تروریستی واقعهلر، مقصدلی سوءقصدلر و جنایی جنایتلردن کوپینچهسیده موترسایکلدن فایدهلنیلگن.
ایچکی ایشلر وزیرلیگی نینگ آگاهلنتیریشیچه، کیمسه بو وزیرلیک نینگ بویروغیدن باش تارتگن صورتده، پولیس و نظمعامه کوچلری نینگ قرشیلیگیگه دوچ کیلهدی و موترسایکلی قولیدن آلینهدی.
کابل شهری نینگ بیشینچی ناحیهسی باشکینت نینگ ناتینچ بولیملریدن سنلهدی و جنایی واقعهلر و مقصدلی سوءقصدلردن کوپینچهسی شو ناحیه ده یوز بیرهدی.
