مملکت عیاللر ایشلری بوییچه وزیری خانم دلبر نظری، جاری ییل باشلنگندن بیری خاتین – قیزلرگه قرشی عملگه آشیریلگن 600 زوروانلیک رویخطگه آلینگن دیدی. بو ایسه مملکتده عیاللرگه قرشی زوروانلیک میزانی آشگنینی کورستهدی دیگن خانم نظری.
بوگون (یکشنبه) کابلده بیر خبری انجمنده سوزلهگن خانم نظری، عیاللرگه قرشی صادر بولگن زوروانلیک رویخطگه آلینگن لیگیگه قرهگنده، بو واقعهلرنینگ کته قسمی مملکتنینگ نابرقرار حدودلریده یوز بیرگن دیدی. شونینگ دیک او، عیاللر هرات، غور، بغلان، تخار و دایکندی ولایتلریده کوپراق زورانلیکلر گواهی بولگنلر دیگن.
خانم نظری، خاتین – قیزلرگه قرشی صادر ایتیلگن زوروانلیک میزانی بوندن هم کوره آرتیق بولیشی ممکن، چونکه واقعهلرنینگ کوپینچهسی هنوز هم رسمی رویخطگه آلینمهگن دیگن.
عین حالده، عیاللر مسالهسی بوییچه وزیرلیکنینگ فنی و پالیسی ادارهسی باشلیغی سپوژمی وردک، وزیرلیکنینگ عملگه آشیرگن ایشلری اوچون اهالی نینگ قرهشی سلبی دیگن. حال بوکه، وزیرلیک هنوزگچه عیاللر وضعیتی یخشیلهنیشی اوچون کوزگه کورینرلی درجه ده ایش قیلیشگه موفق بولگن دیدی سپوژمی.
وزیرلیکنینگ بلند مرتبهلی مسووللری، کیلگوسی ایکّی کونده مملکت بویلب عیاللرگه قرشی زوروانلیکنی توسیش ملی برنامهسی یولگه تشلنهدی دیگنلر. شونینگدیک بو برنامه عملگه آشیریلیشی مملکتده خاتین قیزلرگه ضد یوز بیره دیگن زوروانلیک میزانی کمیشیگه ایجابی تاثیری بار دیگنلر وزیرلیک رسمیلری.
