.jpg)
هلمند ولایتیده نیچه ییل حیات کیچیرگن نجیبالله، اقتصادی قیینچیلیکلر کوپهیگنیدن سونگ، ایش تاپیش اوچون پاکستان گه سفر قیلیش توغریسیده قرار قیلهدی. شو یوزهدن، ایشانچلی بیر قاچاقبر تاپیش اوچون هر تاماننی ایزلهیدی؛ نتیجهده بیر نشانه تاپهدی و بیر قاچاقبر بیلن مملکتدن چیقیش یوللری توغریسیده کیلیشهدی.
نجیبالله دن قاچاقبر پول ایستهیدی و نجیبالله ایسه بیر مقدار پولنی کوپینچه زحمت بیلن قولگه کیریتیب و قاچاقبرگه تاپشیرهدی و پاکستان گه تامان یول آلهدی. لاهورگه ییتیشگینچه کوپلب قیینچیلیکنی باشدن اوتکزهدی. پاکستان توپراغیده هر بیر قرارگاه و پوستهده باج بیریشگه مجبور بولیب و رشوه بیرهدی. عین حالده، اوزینینگ ایتیشیچه، پوستهلرنینگ مسؤوللری، اونگه قرشی یمان حرکت قیلیب و اونینگ قینهیدی.
نجیبالله گه قاچاقبر لاهورگه ییتیشگن صورتده، بیر ایشخانه ایگهسیگه تانیشتیریب و ایشگه قوییش اوچون سوز بیرگن ایدی. بیراق نجیبالله بیر آی سرگردانلیکنی باشیدن اوتکزیب و شهر کوچهلریگه آواره بولگن. قاچاقبردن ایسه هیچ خبر یوق ایدی و شونینگدیک، نجیبالله کوندوزنی ایش آختریب کیچه قیلیب و کیچهنی ایسه جادهلر و پارکلرده ایرته قیلردی.
هرکون قویاش چیقیش بیلن، نجیبالله ایش قولگه کیلتریش اوچون هوتللر گه بارهدی. نیتجهده هوتل مالکلریدن بیری اونی ایشگه آلهدی. آیلیک 3 مینگ کلدار گه قرشی هوتل مالکی بیلن کیلشهدی. نجیب آیلرچه ایشلهگن دن سونگ هوتل مالکی دن ایش حقی نی طلب قیلهدی، بیراق هوتل مالکی ایشحقی نی بیرمیدی. نیتجهده کوپلب خواهش و عذر دن سونگ نجیب بیر آیلیک ایش حقینی قولگه کیلتیرهدی.
.jpg)
نیچه مدت دن سونگ پاکستان پولیسی نجیبالله نی تعقیب قیلیب و قولگه آلهدی. نجیبالله هیچ قندی محکمه بولمسدن قمرگه آلینهدی.
نجیب ایش قولگه کیلتیریش و درآمدنی یخشی لنتیریش اوچون پاکستانگه بارگن ایدی، بیراق هیچ قندی درآمد قولگه کیلترمی و روانی شکلده مملکتگه قیتیب کیلهدی. او نیچه مدن آلدن هلمند ولایتیده کیلگن. نجیبنینگ ایتیشیچه، زحمت بیلن توپلهگن پول نی قاچاقچی گه برمی ایشیگه دوام بیرگن بولسهیدی، حاضرده یخشی حیات کیچیرماقده بولهریدی.
حاضر ایسه اصلی سوراق شو که نجیب کوپلب زحمت بیلن مملکتگه قیتیب کیلگن، بیراق اونینگ باش پناهسی بارمی؟ دولتی یا-ده خلقارا نهادلری اوندن حمایت قیلهدی می؟
هلمند ولایتینینگ ادغام آمری سیدمحمدرامیننینگ ایتیشیچه، مهاجرلر وضعیتی گه دقت قیلیش خصوصیده قاچقینلر ریاستینینگ خلقارا نهادلری بیلن قرار دادی بار و مملکت گه قیتیب کیلگن قاچقینلر ایکی مرحلهگه اوشبو ریاست همکارلیکلریدن فایدهلنهدی.
سیدمحمد رامین گه کوره، حجتی بولمهگن قاچقینلر و زور بیلن مملکتگه قیتهریلگن لرگه ایش زمینهسی مهیا ایمس، بیراق شغل لنیشی اوچون مالی همکارلیک صورت تاپهدی.
هرحالده، نجیبنینگ سرنوشتی مینگلرچه قاچقینلرنینگ تقدیری دیر. مینگلرچه قاچقین سرنوشت سیزشکل ده چیتایلیک مملکت لرده حیات کیچیرماقده.
