.JPG)
افغانستان خبرچیلرینی مصؤون سقلاوچی کمیتهنینگ فکر اورگهنیش نتیجهسیگه کوره، خبرچی عیاللردن 69% شهر ایچیدن گزارش آلهدیگن چاغیده، آزارلنهدی. عین حالده، خبرچی عیاللردن 59% ایش محلیده جنسی زورهوانلیککه دوچ کیلهدی.
اوشبو فکر اورگهنیش نتیجهسی، بوگون (پنجشنبه) افغانستان خبرچیلرینی مصؤون سقلاوچی کمیتهنینگ بیشینچی گزارش بیریش ییغینیده ارایه ایتیلدی. کمیته باشلیغی نجیب شریفینینگ ایتیشیچه، بو فکر اورگهنیشده افغانستانده خبرچی عیاللرنینگ ایش وضعیتی تیکشیریلگن و اونینگ اجتماعی رقمیگه 7 ولایت جملهدن کابل، هرات، بلخ، قندهار، ننگرهار، قندوز و خوستدن 100 عیال شامل بولگن.
مذکور فکر اورگهنیشنی نتیجهسیگه کوره، خبرچیلرنینگ عایلهلریدن 53% قیزلرینینگ ایشیگه قرشیلیک کورستگن. 25% عایله پایتختده، 50% بلخده و 80% تیزیم شکلده ننگرهار و قندهار ولایتلریده عیاللر خبرچی بولمسلیگیگه فکر بیلدیرگن. 58% عایله مذکور 7 ولایتده، خبرچی عیاللرنینگ ایشینی حجابنی نظرگه توتیش و شونینگدیک، باردی و کیلدی زمانی تعیین ایتیلیشیگه باغلیق دیب بیلهدی.
.jpg)
افغانستان خبرچیلرینی مصؤون سقلاوچی کمیته، جنسی تبعیضنی هم تیکشیرگن و اوندن تیارلنگن رقم اساسیده، ولایتلرده عیاللرگه نسبتن ایرککلرنینگ ایش تاپیش شانسی فرقلی دیر. بیراق ننگرهار ولایتی دیک جنوبی ولایتلرده اجتماعده عیاللر حضوری کملیگی باعث، اولرنینگ ایش تاپیش شانسی 95% گه ییتیشهدی.
دیمک، بوتونلهی تیرگاوگه آلینگن تقدیرده، ایرککلرگه نسبتن عیاللر اوچون ایش تاپیش شانسی کوپراق بولگن، بیراق ایرککلرنینگ ایش صلاحیتی عیاللردن آرتیق دییلهدی. شونینگدیک، ایش صلاحیتی یوقاری بولگنی باعث، خبرچی عیاللر بیلن ایرککلرنینگ امتیازی فرقلی کورینهدی. اجتماعی رقمنی 51% ایشانچیگه کوره، عیاللرگه نسبتن ایرککلرنینگ حقوقی و امتیازی کوپ دییلهدی.
اوشبو فکر اورگهنیش نتیجهسیگه کوره، خبرچی عیاللر معلوماتگه قول تاپه آلمسلیگی، مملکت یشاوچیلری، امنیتی کوچلر و حکومت رسمیلری تامانیدن تهدید بولگنی باعث، هیچ بیر ییرده تینچلیک بیلن فعالیت قیلهآلمهیدی.
