آواز بیرووچیلرنینگ رویخطگه آلیش مرکزلرنی مأمورلری و ایشلاوچیلریدن بیرقطارینینگ ایتیشیچه، آواز بیرووچیلرنینگ رویخطگه آلیش جریان یکونلنگنیدن بیر آی دن کوپراق اوتماقده؛ بیراق سیلاولر ایرکین کمیسیونی حاضرگچه اولرنینگ آیلیک حقوقینی توللمهگن. اولردن بیرقطارینینگ سلاموطندارگه ایتیشیچه، رویخطگه آلیش مرکزلرنینگ آمرلری و مسؤوللرینی حقوقی توللنگن؛ بیراق 12 مینگ افغانیدن آرتیق آیلیگی بولمهگن مأمورلرنینگ حقوقی حاضرگچه توللنمهگن.
کابلده آواز بیرووچیلرنی رویخطگه آلیش مرکز لر ایشلاوچیلری یلدا امیری، نورالله سعیدی و مرسل شیرزینینگ حقوقلری توللنمهگنیدن خواطر بیلدیریب ایتیشیچه، 15 حمل دن 23 جوزا گهقدر سیلاولر ایرکین کمیسیونیگه ایشلهگنلر؛ بیراق حاضرگچه هم ایش حقلری توللنمهگن.
اولرنینگ ایتیشیچه، سیلاولر ایرکین کمیسیونینینگ رسمیلری بو توغریده قناعتلی جواب قیترمیدیلر.
بیراق سیلاولر ایرکین کمیسیونی رسمیلرینینگ ایتیشیچه، بیرقطار قینچیلیکلر سبب آواز بیرووچیلرنی رویخطگه آلیش مرکز لر ایشلاوچیلرینینگ حقوقلری توللنمهگن، مذکور قینچیلیکلر حل ایتیلیشی بیلن اولرنینگ ایش حقالری توللنهدی.
سیلاولر ایرکین کمیسیونینینگ مالی و اداری بولیمی دهگی اورین باسری معاذالله دولتینینگ ایتیشیچه، ایشلاوچیلر تراکمی، حجت لرنینگ طی مراحلی و اسم لرنینگ ناتوغری شکلده رویخطگه آلینیشی سبب مذکور ایشلاوچینینگ حقوق لری توللنمهگن.
جناب دولتی گه کوره، آواز بیرووچیلرنی رویخطگه آلیش مرکز لر ایشلاوچیلرینینگ حقوقلری بیرلشگن ملت لر تشکیلاتی دفتری تامانیدن بیریلهدی.
سیلاولر ایرکین کمیسیونینینگ یالغیز کابلده آواز بیرووچیلرنی رویخطگه آلیش اوچون 553 مرکزی بار و هر بیر مرکزده 7 کیشی ایشلی دی؛ بیراق مذکور لایحهنینگ یکونلنیشی دن بیر آی اوتیش بیلن هم اولرنینگ حقوقلری بیریلمهگن.
