قویاش جاری ییل میزان آیی نینگ 12- سیده قندوز ولایتی نینگ بیر قنچه منطقهلری ایکینچی مرته دولت قوراللی مخالفلری نینگ اشغالیگه اوتگن ایدی. مذکور گروه اوتگن ییل اوشبو تاریخدن آلتی کون آلدین قندوزنی تصروف قیلگن ایدی.
جنگری طالبلر اوتگن ییل اوشبو شهرنی اوچ کون اشغالیگه آلیب تورگن ایدی، اما بو ییل بو جریان اون کون دوام تارتدی. افغان ملی کوچلری بیلن قوراللی طالبلر اورتهسیده یوز بیرگن آغیر اوروشلر آقیمیده 150 نفر تینچ اهالی عالمدن اوتیب و 500دن آرتیق انسان ایسه آغیر یینگیل تن جراحتی آلگنلر.
طبیعی حادثهلرگه قرشی کورهش ادارهسی باشلیغی و قندوز اوروشی زیانینی تیکشیریش کمیته نینگ مسوولی میر آقا اعتبارنینگ سلامطندار ترماغیگه معلوم قیلیب ایتیشیچه، جنگده قربان بولگنلر توغریسیده هنوزگچه معین رقم قولده بولمس – ده، اما دستلبکی حساباتده ولایتده آغیر حالتده اوروش یوز بیرگن لیگینی کورستهدی.
شونینگدیک اوروشدن جبر کورگن خانهدانلر حکومت تامانیدن دییرلی اعتبار قرهتیلمهگن لیگیدن شکایت ایتگنلر. ولایت رسمیلری ایستکلریگه جواب بیرمه گنلیگی جبر دیدهلر تیلیدن اظهار بولگن.
بیراق، ولایت نینگ محلی مسووللری، قندوز اوروشیده زیان کورگنلرگه همکارلیک قیلیش اوچون قولدن کیلگونچه سعی و حرکت آلیب باریشدن ایشانچ بیرگنلر.
راپه راسه بیر ییلدن سونگ قندوز ولایتی نینگ کته قسمی ایکینچی مرته قوراللی طالبلر اشغالیگه اوتدی. اوروشده یوزلب کیشی حیاتدن کوز یومیب یوزلب انسان یرهلنگن لیگیدن علاوه مینگلب تینچ اهالی کمیده 20 کون کابل، مزار و تخار کبی برقرارلیگی تامین بولگن ولایتلرده باش پنه ایزله دیلر.
بیرلشگن ملتلر تشکیلاتی نینگ رسمی حساباتیده قندوز ولایتیده ملی کوچلر بیلن طالب جنگریلری اورتهسیده یوز بیرگن اوروشلرده 289 کیشی عادی اهالی قربان بولیب و 559 کیشی ایسه تن جراحتی آلنگن لیگی قید ایتیلگن.
