بوگون "چهارشنبه" ساغلیقنی سقلش وزیری فیروزالدین فیروز، نمایندهلر کینگشی تامانیدن چقیریلگن ایدی، بیراق او، نمایندهلر کینگشی اعضالری نینگ قرنطینه و ساغلیک نکاتلرنی رعایت قیلمهگنیدن تنقید قیلگن.
جناب فیروز نینگ آگاهلنتیریشیچه، اهالی قرنطینه و اجتماع ده فاصله قایشنی رعایت قیلمهگن صورتده، سابقهسیز انسانی فاجعه یوز بیریشی ممکن.
ساغلیقنی سقلش وزیرینینگ مملکتده کرونا ویروسیگه چلینگنلرنینگ سانی کوپهیگنیدن خبر بیریب ایتیشیچه، اوتگن 24 ساعت جریانیده، 70 ایجابی واقعه رویخط گه آلینگن و حاضرده مملکت بوییچه 784 کیشی کرونا ویروسیگه چلینگن.
عینحالده، نمایندهلر کینگشی اعضالری ساغلیک تجهیزاتلر کملیگی، آزمایشگاهلرده ییترلیچه لوازملر یوقلیگی، شبههلی واقعهلرنینگ تشخیص قیلینمهگنی و ولایتلرده اجرهتیلگن بودجهلرنینگ برابر بولمهگنیدن تنقید قیلگنلر.
بوگون "چهارشنبه" هرات حاکمی وحید قتالی، اوشبو ولایتده قرنطینه دورهسی تمدید قیلینگنیدن خبر بیرگن بیرحالده، نمایندهلر کینگشی اعضالری و یشاوچیلرنینگ قرنطینهنی رعیات قیلمهگنلریدن تنقید قیلینهدی.
هرات حاکمی نینگ ایتیشیچه، قرنطینه کونلریده ییگولیک مادهلر کملیگی بیلن دوچ کیلمهیش اوچون اوشبو ولایتدن باشقه ولایتلرده ییگولیک مادهلرنینگ انتقال بیریلیشیگه توسیق بولهدیلر.
