کابل شهری اوتگن نیچه کون جریانیده نیچه خودکش و پارتلش هجوم گه گواه بولدی و بو هجوملر نتیجهسیده اونلب حربی و تینچ اهالی هلاک ایتیلیب و یرهلنگن.
نیچه کون آلدین، پارتلاوچی ماده توله بولگن موتر کابل شهری نینگ 9- حوزهسیده چیتایللیک کوچلرنینگ کاروانی نی نشانگه آلدی و بو هجوم ده قربان بولگنلرنینگ رقمی میدیاگه چیقمهدی. شونینگدیک، تورت کون آلدین، کابل شهری نینگ 16- حوزهسیگه تیگیشلی ملیبس تورت یولیده بیر خودکش هجوم یوز بیردی و مذکور خودکش هجومچی کانلر و پترولیم وزیرلیگی ایشلاوچیلری نینگ موتری نی نشانگه آلدی.
بو هجوم دن نیچه دقیقه اوتگنیدن سونگ، مذکور منطقه ده جایلشتیریلگن ماین هم پارتلهدی. ایکینچی واقعه دن کیین، کابل شهری نینگ 9- حوزهسیده دیسپیچری منطقهسی هم باشقه بیر خودکش هجوم گه گواه بولدی.
خوفسیزلیک رسمیلری نینگ اعلان قیلیشیچه، یوز بیرگن اوچ واقعه ده 11 کیشی هلاک و باشقه 45 کیشی یرهلنگن.
شونینگدیک، اوتگن کون کابل ده روند سبز دفتری هجوم گه دوچ کیلدی و بو هجوم ده 4 تینچ اهالی شامل 20 کیشی هلاک و باشقه 50 کیش یرهلندی.
کابل یشاوچیلریدن بیرقطاری، حکومت نینگ دقت سیزلیگی دن تنقید قیلیب ایتیشیچه، خوفسیزلیک ادارهلری بوندهی هجوملرنی آلدی آلینیشی اوچون جدی شکلده تدبیر آلیشی کیرهک.
اولرگه کوره، خودکش هجوملرده کوپلب تینچ اهالی قربانلیک بیریشهدی و بوندهی واقعهلرنینگ اصلی قربانلری عیاللر و بالهلر دیر.
ملی مدافعه وزیرلیگی سوزلاوچیسی روحالله احمدزی نینگ ایتیشیچه، خودکش هجوملر کوپهییشی دوشمن نینگ کوچسیزلیگینی کورستهدی و اولر مدافعه و خوفسیزلیک کوچلری بیلن یوزمه یوز اوروشه آلمهیدی.
اوشبو خواطرلر بیان ایتیلگن بیرچاغده، اوتگن هفته جریانیده مملکت نینگ 11 ولایتیده تینچ اهالی و حربی شامل کمیده 200 کیشی هلاک ایتیلگن.
