.jpg)
بدخشانده برشنا شرکتی باشلیغی سلطان عطایینینگ ایتیشیچه، ایچکی ایشلر و مدافعه وزیرلیگیگه تیگیشلی ادارهلر جملهدن بدخشان پولیس قومندانلیگی و شونینگدیک قطار زورهوان کیشیلر برق پولیدن 16 میلیون افغانی قرضدار دیر.
جناب عطایینینگ ایتیشیچه، خوفسیزلیک ادارهلر برق پولینی توللمهگنی چکهسیده، زورهوان کیشیلردن برق پولینی توپلش خصوصیده برشنا شرکتیگه همکارلیک قیلمهیدیلر.
جناب عطاییگه کوره، بدخشان چیگرهلریده برق پولینینگ توللنمسلیگی باعث، تاجیکستاندن کیلهدیگن برق گاهگاهی کیسیلهدی.
.jpg)
بیراق بدخشان پولیس قومندانلیگی مسووللرینینگ ایتیشیچه، برق پولینینگ توللنمسلیگی خصوصیده بولگن قیینچیلیکلر سابق دن بار ایکن و اولر برق پولینی توللش اوچون مرکزدن پول ایستهگنلر.
بدخشان پولیس قومندانلیگینینگ خوفسیزلیک آمری محمدطارق ضیاپورنینگ ایتیشیچه، بو اداره برق پولینی بیرهدی و شونینگدیک برشنا شرکتیگه برق پولینی توپلش اوچون همکارلیک قیلهدی.
عینحالده، بدخشانده برشنا شرکتی مسووللرینینگ ایتیشیچه، برق پولینی توپلش خصوصیده امنیتی ادارهلر بیرگن وعدهلریگه صادق ایمس دیر.
