هرات توغروقخانه مسئوللری مذکور توغروقخانهده انسانی فاجعه یوزبیریش احتمالیدن خبر بیریشگن. هرات یوز یاتاقلی نسایی – ولادی کسلخانهسی باشلیغی سعیده سعید نینگ سلاموطندارگه ایتیشیچه، هرات توغروقخانهسی نینگ داکترلریدن 10 تهسی کرونا ویروسی گه چلینگن و بو کسلخانه نینگ داکترلریدن باشقه 40 فایزی ویروس نینگ ایجابی نشانهلری بیلن ایش ده حاضر بولیشهدی.
مذکور کسلخانه باشلیغی نینگ ایتیشیچه، بو کسلخانهده کمیده 170 داکتر، متخصص، نرس و خدمه ایش قیلماقده و بولردن 40 فایزی گه کرونا ویروسی نینگ علامهلری کوریلگن.
اونگه کوره، اولرنینگ لابراتوار سیناوی ایجابی انیقلنگن صورتده، اوشبو کسلخانه داکتر و نرسدن بوش قالیشی ممکن و بوندهی شرایط گه دارولش مرکزلرده داکتر یوقلیگی فاجعهلی بولیشی ممکن. اونینگ ایتیشیچه، هرکون کمیده 100 عیال بو ییرده بستری بولیشهدی.
خانم سعید نینگ کوپهیتیریشیچه، هرات شهریده کوپینچه عایلهلر توپلم شکلده کرونا ویروسی گه چلینگن و وضعیت کنترولدن چیققن. اونینگ کوپهیتیریشیچه، بو وضعیت دوام تاپیب و اهالی توجهسیزلیککه دوام بیرگن صورتده، کسللرنی دارولش اوچون دارولش مرکزلرنینگ کوچی ییتمهیدی.
مذکور توغروقخانه هرات ولایتی بوییچه یالغیز معیاری توغروقخانه دیر کیم هر کون شهرلر، تومنلر و نهایتده قوشنی ولایتلردن یوزلرچه عیال دارولش اوچون بو کسلخانه گه مراجعت قیلیشهدی.
