لوگر ولایتی کینگش نمایندهلریدن بیرقطارینینگ ایتیشیچه، مذکور ولایتنینگ ازره تومنی مخدره ماده ایکینی و قاچاق مرکزیگه اوزگرگن و بو ییل مذکور تومن ایکینچیلری 90 فایز ییرلریگه چرس ایککن.
افغانستان کوکنار قاچاقی و ایکینی توغریسیده شهرت قازانگن و نیچه ییلدن بویان، دنیا بویلب اینگ کوپ تریاک ایشلب چیقارهدیگن مملکت صفتیده تانیلهدی.
لوگر ولایتی کینگشیده ازره تومنینینگ نمایندهسی عبدالولی وکیلنینگ ایتیشیچه، اوشبو تومن یشاوچیلریدن کوپینچهسی مخدره ماده ایشینی قیلهدیلر و اقتصادی قیینچیلیکلرینی شو یول بیلن حل ایتهدی.
جناب وکیلنینگ ایتیشیچه، ازره بیر تاماندن ناتینچ و باشقه بیرتاماندن ایکینچیلیک ییرلری کم بولگنی باعث، ایکینچیلر باشقه نرسهلر اورنیده چرس ایکهدی.
اونینگ ایتیشیچه، چرس سوداسی یخشی بولگن و چرس ایکهدیگن ایکینچیلر هر ییل میلیونلرچه افغانی قولگه کیریتهدی.
لوگر والیسینینگ سوزلاوچیسی سلیم صالحنینگ ایتیشیچه، مذکور ولایتده کوکنار ایکینی صفر بولگن؛ بیراق ازره ایکینچیلریدن کوپینچهسی ییرلریده چرس ایکیشلرینی قبول قیلهدی.
جناب صالحنینگ ایتیشیچه، لوگر والیسی، امنیتی کوچلردن مذکور ولایتده چرس ایکینینی نابود ایتیب و مخدره ماده قاچاقچیلرینینگ قولگه آلیشلرینی سورهگن.
اونینگ کوپهیتیریشیچه، لوگر امنیتی کوچلری اوتگن 9 آیده، اَیری عملیاتلرده 15 مینگ کیلوگرام مخدره مادهنی کشف ایتیب قولگه کیریتگنلر.
لوگر ولایتینینگ مرکزی پلعلم کیلهدیگن ازره تومنی خیابانی، 14 ییلدن بویان یاپیلگن و اوشبو تومن یشاوچیلری ننگرهار یولیدن کابل و ولایت مرکزیگه سفر قیلهدیلر.
