افغانستان ایرکین اویینینگ ینگیدن اوتکزگن سوراوی نتیجهسیده ایتیشیچه، ملی کینگشنینگ 16- دور اعضالری، کوزگه کورینرلی شکلده ایش قیلمهگنلر.
افغانستان ایرکین اویینینگ ینگیدن اوتکزگن سوراویده ایتیشیچه، اوشبو سوراوده اشتراک ایتگنلردن 70% نینگ ایتیشیچه، مجلس نمایندهلری، وظیفهلرینی یخشی بیر شکلده عملگه آشیرمهگنلر و بو سوراو اشتراکچیلریدن یالغیز 16% نمایندهلرنینگ ایشیدن راضیلیک بیلدیرگنلر.
افغانستان ایرکین اوی اعضالریدن بیری داکتر روحالله رضوانینینگ ایتیشیچه، اوشبو سوراو اشتراکچیلریدن کوپینچهسی ملی کینگشنینگ حاضرگی نمایندهلری و سناتورلری قیتهدن نامزد بولگن صورتده، آواز بیرمسلرینی بیلدیرگنلر.
افغانستان ایرکین اویینینگ اوشبو اعضاسیگه کوره، اولرنینگ قولگه کیریتگن معلوماتلری اساسیده، ملی کینگش اعضالری، ملی منفعتگه نسبتن شخصی منفعتگه اولویت بیرگنلر.
اوشبو سوراو اشتراکچیلریدن یالغیز 13% مجلس ایشیدن راضیلیک بیلدیرگنلر. 21% حکومت ایشیدن نظارت قیلیشده، 10% اهالی بیلن علاقه باغلشده و 0.45% بو نمایندهلر هیچ بیر ایشنی یخشی بیر شکلده عملگه آشیرمهگنلرینی بیلدیرگنلر.
بو جملهدن یالغیز 8% فسادگه قرشی کورهشده نمایندهلرنینگ ایشیدن راضیلیک بیلدیرگنلر، بیراق 37% فساد میزانی آشیشیگه نمایندهلرنینگ قوللری بارلیگینی تیلگه آلگنلر.
شونینگدیک، افغانستان ایرکین اویینینگ اوشبو گزارشیده ایتیلیشیچه، اشتراکچیلردن 47% نمایندهلر اوز شخصی ایشلری بیلن مشغول بولگنلرینی بیلدیرگنلر و 11% نمایندهلر ملی قیینچیلیکلرنی ایزلهگنلرینی بیلدیرگنلر.
اوشبو سوراوده اشتراک ایتگنلردن 10.4% نینگ ایتیشیچه، نمایندهلر ایش جریانیده نمایندهلیک ادبی و اخلاقینی یخشی بیر شکلده نظرگه آلگنلر.
شونینگدیک، اشتراکچیلردن 17% نمایندهلر تعطیل کونلریده اهالی ایشلرینی ایزلهگنلرینی ایتگنلر، بیراق باشقه 67% عکسینچه جواب بیرگنلر.
اشتراکچیلردن 14% ینه هم اوشبو نمایندهلرگه آواز بیریشلرینی بیلدیرگنلر، 64% بو سوراققه سلبی جواب بیرگنلر و 18% هیچ قندهی جواب بیرمهگنلر.
اوشبو سوراو افغانستاننینگ 34 ولایتیده اوتکزیلگن و بونگه چمهسی 7367 کیشی اشتراک ایتگن. بو جملهدن 71% ایرکک و 29% عیاللر تشکیل بیرگن.
بیراق، نمایندهلر کینگشی، بو ادعالرنی کیسکین رد ایتگن.
