افغانستان بوییچه بیرلشگن ملتلر تشکیلاتی اورین باسرلیک هیأتی (یوناما) ینگی جزا قانونیدن عیاللرگه قرشی زورهوانلیک قضیهلر جزا فصلی چیقاریلگنیدن خواطر بیلدیریب ایتیشیچه، عیاللرگه قرشی زورهوانلیک آلدی آلینیش قانونیده جزا فصلی کیریتیلیشی توغریسیده دولتی و غیر دولتی ادارهلر بیلن بحث قیلهدی.
بوگون یوناما تامانیدن ترقهتیلگن اعلامیهده، عیاللرگه قرشی زورهوانلیک آلدی آلینیش قانونی ینگی جزا قانونیدن چیقاریلمهسینی ایستهگن و بو تشکیلات ینگی جزا قانونینی خوش قرشیلب ایتیشیچه، افغانستان اوشبو قانون ارا خلق ارا معیارلری اساسیده، جنایی عدالت و جنایی جرملرنی تانیشده یخشی طریقهلرگه ایگه بولهدی.
یونامانینگ اعلامیهسیده کیلیشیچه، اوشبو تشکیلات ینگی جزا قانونی یخشی بیر شکلده عملگه آشیریلیب و عیاللرگه قرشی زورهوانلیکلر آلدی آلینیشی اوچون کوچلی بیر چهارچوبهده تطبیق ایتیلیشیدن ایشانچ قولگه کیریتگونگچه سوزلشوولریگه دوام بیرهدی.
افغانستان ینگی جزا قانونی، 916 ماده، (4 باب) عمومی جزا و (12 باب) خصوصی جزا اوچون ایکی مُجَلدده تیارلنگن. بو قانون برچه جرملرگه خاص جزایی حکملرنی تعیین قیلگن.
