افغانستان کوچیلری خاص بیر ییرده جایلشتیریلمهگنی باعث، بو گروه کوپینچه امتیازلردن محروم قالگن.
بوگون «شنبه» کابلده ملی و خلق ارا ساغلیک یاردمچیلری حضوریده «کوچیلرگه ساغلیک خذمتلری قندهی بیر شکلده بولیش» نامیدهگی ییغینده نطق سوزلهگن ساغلیقنی سقلش وزیری فیروزالدین فیروز، اوشبو موضوع اوستیگه تأکیدلب ایتیشیچه، ساغلیقنی سقلش وزیرلیگی حاضرگچه کوچیلر اوچون 6 ثابت دارولش مرکزی و 25 سیار دارولش مرکزی ایجاد قیلگن و شونینگدیک، کوچیلرنینگ نمایندهلرینی همکارلیگیده باشقه نیچه ثابت و سیار دارولش مرکزی ایجاد ایتیلیشی ممکن.
شونینگدیک، کوچیلرنینگ نمایندهلرینی ایتیشیچه، دارولش مرکزلری، اولرنینگ جمعیتیگه کوره قوریلیشی کیرهک.
نمایندهلر کینگشیده کوچیلر کمیسیونی مصلحتچیسی خالد احمدزینینگ ایتیشیچه، کوچیلرنینگ جمعیتی و قیینچیلیگی گه کوره، ساغلیک و دارولش خذمتلرنی ترقهتیشگه ییترلیچه بودجه بولمهگن.
عین حالده، کوچیلرگه ساغلیک خذمتلر ترقهتیش ریاست مسوولرینینگ ایتیشیچه، کوچیلر حقیده انیق رقم بولمهگنی، بودجه آزلیگی، خوفسیزلیک تهدیدلری، قومندانلرنینگ ارهلشی، سوادسیزلیک و دارولش حقیده خبرسیزلیک، کوچیلرنینگ ساغلیک و دارولش خذمتلریدن اوزاق قالیشلریگه سبب بولگن.
