کرونا ویروسی چیقگنیدن سونگ، مملکت شمالی ده جایلشگن قندوز ولایتیده حیات کیچیرهدیگن بیرقطار کمبغل عایلهلر کمبغللیک سبب، ناگران بالهلرینی جاده چیکهسیده تشلب کیتیشگه مجبور بولگنلر.
ینگیلیکده بیر آته و آنه کمبغللیک سبب، 7 یاشر ناگران بالهسینی عمومی جاده چیکهسیده تشلب کیتگنلر.
قندوز یشاوچیلریدن بیری نینگ سلاموطندارگه ایتیشیچه، ناگران بیر باله عمومی جاده نینگ چیگهسیده تشلنگن ایدی و اهالی یانیدن اوتیب قیتهریدیلر.
اونینگ ایتیشیچه، قندوز ولایتیده باش پناهسیز و بدرغه بالهلردن سرپرستلیک قیلیش اوچون بالهلر اوی بار، بیراق مذکور اویلر واسطهلی بالهلر جایلشگن ناگران و آچ بالهلرگه جای یوق دیر.
قندوز اجتماعی و رسانهیی مرکز مسوولی ذبیحالله مجیدی نینگ ایتیشیچه، ایکی ییلدن بویان آته و آنهلری تامانیدن جاده چکهسیده قوییب یوباریلهدیگن بالهلر رقمی یوقاری کیتگن.
اونینگ ایتیشیچه، ناگران و گپره آلمهیدیگن بالهلردن سرپرستلیک قیلیش زور دیر و هیچکیم اولردن سرپرستلیک قیلیش مسوولیتینی بوینیگه آلمهیدی.
قندوز ولایتیده انسان حقوقی ایرکین کمیسیونی نینگ ساحوی دفتری باشلیغی سید حفیظالله فطرت نینگ ایتیشیچه، سرپرستسیز بالهلر سانی کون اوتیش بیلن کوپهیب بارماقده.
اونینگ کوپهیتیریشیچه، اجتماعی ایشلر ریاستیده بالهلراوی نامیده بیر بولیم بار و اولرنینگ سرپرستسیز بالهلردن سرپرستلیک قیلیشلری کیرهک، بیراق اوشبو بولیم سرپرستسیز بالهلر خصوصیده دقت قیلمهیدی.
بوتوغریده قندوز ولایتی بوییچه اجتماعی ایشلر ریاستی فکرینی آلیش اوچون سعی و حرکت قیلدیک، لیکن موفق بولمهدیک.
